Mae'r rhan fwyaf o'n cyfarpar Teleofal (Telecare) wedi'i chysylltu â'n gwasanaeth monitro 24 awr Gwifren Achub Bywyd, a fyddai'n trefnu ymateb priodol pe bai synhwyrydd yn cael ei actifadu.
Serch hynny, os oes teulu gyda chi, neu gynhaliwr preswyl, sy'n helpu i ofalu amdanoch chi, mae offer ar gael a all fod o gymorth.
Teclyn galw
| Teclyn galw |
Gall yr holl offer isod gael ei gysylltu (heb wifrau) i declyn galw a fyddai'n rhoi rhybudd pe bai synhwyrydd yn cael ei actifadu.
Mae modd mynd ag ef gyda chi o gwmpas y tŷ ac yn yr ardd, gan ganiatáu lefel gymharol o ryddid i'r cynhaliwr, a rhoi’r sicrwydd iddo y bydd yn gallu gweithredu ar unwaith mewn ymateb i rybudd.
|
|---|
| Synhwyrydd codi o wely neu gadair |
Mae modd defnyddio'r synhwyrydd yma i dynnu sylw at rywun sy'n codi o'r gwely neu o gadair. Mae'n bosibl ei gysylltu â switsh oedi neu i droi lampiau ymlaen, i helpu i atal codymau yn ystod y nos.
|
|---|
| Synhwyrydd eniwresis |
Mae'r synhwyrydd yma'n darparu dull cynnil ac effeithlon i ganfod gwlychu'r gwely wrth iddo ddigwydd.
|
|---|
| Synhwyrydd epilepsi |
Mae'r synhwyrydd yma'n monitro'r unigolyn sydd ag epilepsi wrth iddo gysgu i roi rhybudd pe bai’n cael ffit.
|
|---|
| Synhwyrydd Cwympo |
Bydd synhwyrydd cwympo yn rhoi rhybudd yn awtomatig os yw'r person sy'n ei wisgo yn cwympo. Mae yna 3 math gwahanol ar gael gan ddibynnu ar anghenion y person.
|
|---|
| Synhwyrydd llifogydd |
Mae'r synhwyrydd yma'n cael ei actifadu pan ddaw i gysylltiad â dŵr. Gall pobl sydd ag anghofrwydd ei ddefnyddio, er mwyn atal llifogydd yn y cartref.
|
|---|
| Teclyn Gwddf Gwifren Achub Bywyd |
Mae person yn gallu pwyso'r teclyn gwddf mewn argyfwng neu pan fydd angen help.
|
|---|
| Mat pwysedd |
Mae modd gosod matiau o amgylch y cartref i roi rhybudd pan fydd rhywun yn dynesu at ardal a allai beri risg.
|
|---|
| Synhwyrydd ymadael |
Bwriad y synhwyrydd yma yw monitro diogelwch pobl sydd â phroblemau cofio, a allai fod yn dueddol o adael eu cartrefi ar adegau amhriodol.
|
|---|
Os ydych chi o'r farn y byddech chi'n elwa o gael Gwifren Achub Bywyd neu offer Teleofal, dylech chi gysylltu â'n Carfan Ymateb ar Unwaith neu'ch Gweithiwr Cymdeithasol/Rheolwr Gofal os oes un gyda chi.
Bydd y Garfan Ymateb ar Unwaith yn gofyn ychydig o gwestiynau i chi am eich sefyllfa, ac os ydyn nhw o'r farn bod eich cais yn briodol, byddan nhw'n ei drosglwyddo i Reolwr Gofal.
Cysylltwch
Ffôn: 01443 425003