Skip to main content
 

Achredu Clybiau

Achrediad Chwaraeon Diogel

Statws ‘Chwaraeon Diogel’ yw'ch ffordd chi o ddangos eich bod chi'n gweithredu yn unol â chanllawiau eich Corff Llywodraethu Cenedlaethol a Chyngor Bwrdeistref Sirol Rhondda Cynon Taf. Mae Chwaraeon Rhondda Cynon Taf, mewn partneriaeth â Chwaraeon Cymru a'r Cyrff Llywodraethu Cenedlaethol, yn argymell bod pob clwb, darparwr chwaraeon a darparwr chwaraeon masnachol i gyd yn cyflawni safonau gweithredu gofynnol er mwyn diogelu eu haelodau.

I geisio cael statws Chwaraeon Diogel, edrychwch ar y ffurflen gais a chysylltwch â ni.

Achrediad insport

Yn ogystal â gweithio tuag at statws ‘Chwaraeon Diogel’, rydyn ni'n annog clybiau i gyflawni Insport.

Mae Insport yn rhaglen wobrau sydd â phedwar cam (Rhuban, Efydd, Arian ac Aur). Ei bwriad ydy gwneud eich clwb yn gynwysedig, ac i'ch cynorthwyo chi drwy'r broses o gynnig eich camp chwaraeon i bobl anabl o ran cyfrannu, hyfforddi a gwirfoddoli. Bydd eich Swyddog Chwaraeon yn y Gymuned neu Swyddog Chwaraeon Anabledd yn eich cefnogi chi drwy bob cam.

Ar ôl cyflawni pob cam, byddwn ni'n rhoi marc i chi sy'n berthnasol i'r lefel rydych chi wedi'i chyrraedd. Mae hawl gennych chi i ddefnyddio'r marc hwn ar gyhoeddiadau, gwefannau ac unrhyw ddeunydd arall er mwyn hysbysebu a dangos eich ymrwymiad at gynhwysiad.

I gael rhagor o wybodaeth am Insport, cysylltwch â Swyddog Datblygu Chwaraeon Anabledd Cymru.
E-bost: shelley.m.jones@rhondda-cynon-taf.gov.uk

Achrediad Corff Llywodraethu Cenedlaethol

Mae gan y rhan fwyaf o Gyrff Llywodraethu Cenedlaethol eu cynllun achredu eu hunain. Bydd y prosesau achredu hyn yn benodol at eich camp chi, a byddan nhw'n diogelu'ch aelodau. Cyngor Chwaraeon Rhondda Cynon Taf i chi yw gweithio gyda'ch Corff Llywodraethu Cenedlaethol i gyflawni'r achrediad hwn.

I gael rhagor o wybodaeth neu gymorth, cysylltwch â'r garfan Chwaraeon yn y Gymuned drwy anfon neges e-bost i ChwaraeonRhCT@rhondda-cynon-taf.gov.uk

 

 
Facebook-logo
Twitter-Logo