Bydd Cyngor Rhondda Cynon Taf yn cynnal ei Ffair Swyddi hynod lwyddiannus ac am y tro cyntaf bydd yn cael ei gynnal mewn partneriaeth â'n Carfan Caffael a'i hachlysur 'Cwrdd â'r Prynwyr'.
Bydd amrywiaeth enfawr o ddarpar gyflogwyr wrth law i gwrdd â chi. Gall y rhai sy'n chwilio am gyflogaeth neu sydd am symud ymlaen yn eu gyrfa neu wella'u haddysg ddod o hyd i ragor o wybodaeth yn ystod yr achlysur.
Os ydych yn chwilio am gyfleoedd i ddatblygu eich busnes, dewch draw i gwrdd â Charfan Caffael Cyngor Rhondda Cynon Taf i ddarganfod sut mae'r broses gaffael yn gweithio. Gallwch hefyd gwrdd â sefydliadau'r sector cyhoeddus, cyflogwyr lleol yn ogystal â rhai o'n contractwyr a'n cyflenwyr rydyn ni wedi'u penodi i drafod cyfleoedd busnes posibl. Bydd cyrff cefnogi hefyd wrth law i roi cyngor a gwybodaeth am wasanaethau defnyddiol megis cyllid, cymorth tendro a chymorth i gychwyn.
Bydd yr achlysur yn cael ei gynnal yn adeilad newydd Llys Cadwyn ym Mhontypridd ddydd Mercher, 26 Chwefror. Bydd ar agor o 10:00am tan 4:00pm i aelodau'r cyhoedd.
Byddwn hefyd yn cael awr dawel o 9:00am ar gyfer pobl sydd â chyflwr sbectrwm awtistig ac anableddau eraill.
Bydd yr achlysur yn cynnwys ystod eang o dros 40 o gyflogwyr, sydd i gyd yn ceisio hyrwyddo a rhannu eu gyrfaoedd a'u cyfleoedd hyfforddi.
Bydd yr achlysur hefyd yn cynnwys gweithdai ar faterion allweddol fel cyfweliadau swyddi a chyngor ar sut i lenwi ffurflen gais, datblygu gyrfa mewn gofal cymdeithasol, a sesiynau gwybodaeth ar brentisiaethau gan gynnwys; fframweithiau cymhwyster, meini prawf mynediad, sectorau a rolau swyddi.
Bydd cyfle i gwrdd â'r Garfan Cyflogaeth, Addysg a Hyfforddiant sy wedi ennill gwobrau, sy'n cydgysylltu'r rhaglen Prentisiaethau a rhaglen i Raddedigion ar gyfer Cyngor Rhondda Cynon Taf, a chanfod pryd mae recriwtio yn dechrau yn 2020.
Mae'r arddangoswyr canlynol wedi cadarnhau eu presenoldeb:
- Abacare
- B & Q
- British Army
- BT
- Care Cymru
- Careers Wales
- Carers Trust South East Wales
- Coleg y Cymoedd
- Ensinger Precision Engineering Ltd
- Gallagher
- GE's
- HMRC
- Involve Recruitment
- Jobcentre Plus
- Kier Construction
- LCB Construction
- Morgan Sindall
- MPS
- Nando's UK
- Network75 (University of South Wales)
- New Directions Education
- Op Chocolate
- Peacocks/Edinburgh Woollen Mill
- Radis Community Care
- RCT Support @ Home
- RCTCBC - Staying Well at Work
- Rhondda Cynon Taf CBC
- Royal Navy / Royal Marines
- Rubicon Wales
- South Wales Fire & Rescue Service
- South Wales police
- Transport for Wales
- University of South Wales
- Willmott Dixon
- Zip World
** Efallai bydd arddangoswyr yn newid ar y diwrnod * *