Rhondda Cynon Taf Ffair Swyddi

Bydd Cyngor Rhondda Cynon Taf yn cynnal ei Ffair Swyddi hynod lwyddiannus y mis yma.

Bydd amrywiaeth enfawr o ddarpar gyflogwyr wrth law i gwrdd â chi. Mae modd i'r rheiny sy'n chwilio am swydd neu sydd am symud ymlaen yn eu gyrfa neu wella'u haddysg ddod o hyd i ragor o wybodaeth yn y Ffair Swyddi.

Bydd yr achlysur yn cael ei gynnal yng Nghanolfan Hamdden Llantrisant ddydd Mercher, 22 Mawrth 2023. Mae croeso i aelodau'r cyhoedd alw heibio rhwng 10am a 2pm.

Bydd hefyd awr dawel o 1pm ar gyfer pobl sydd ag Anhwylder Sbectrwm Awtistig ac anableddau eraill.

Bydd yr achlysur yn cynnwys ystod eang o gyflogwyr, sydd i gyd yn ceisio hyrwyddo a rhannu eu cyfleoedd o ran gyrfaoedd a hyfforddiant.

Bydd yr achlysur hefyd yn cynnwys gweithdai ar faterion allweddol fel cyfweliadau swyddi a chyngor ar sut i lenwi ffurflen gais, datblygu gyrfa mewn gofal cymdeithasol, a gwybodaeth am brentisiaethau gan gynnwys fframweithiau cymhwyster, meini prawf mynediad, sectorau a rolau swyddi.

Bydd cyfle i gwrdd â'r Garfan Materion Addysg, Cyflogaeth, a Hyfforddiant sy wedi ennill gwobrau ac sy'n cydlynu Cynllun Prentisiaeth a Rhaglen i Raddedigion Cyngor Rhondda Cynon Taf a chael gwybod pryd bydd y broses recriwtio'n cychwyn yn 2023.

Mae'r arddangoswyr canlynol wedi cadarnhau byddan nhw'n dod:

**Mae'n bosibl bydd arddangoswyr gwahanol yno ar y diwrnod**