Canolfannau Croesoyny Gaeaf

Yn dilyn cyhoeddiad diweddar Llywodraeth Cymru, bod £1 miliwn o gyllid ar gael ledled Cymru i gefnogi Canolfannau Clyd, mae'r Cyngor yn bwriadu creu Canolfannau Croeso yn y Gaeaf ar draws y Fwrdeistref Sirol mewn ymgais i helpu i gadw trigolion yn gynnes ac yn ddiogel drwy gydol misoedd oer y gaeaf.

Mae modd i drigolion RhCT alw heibio unrhyw Lyfrgell o fewn y Fwrdeistref Sirol neu Neuadd Gymunedol Gilfach Goch sydd wedi'i lleoli yn 37-39, Stryd Fawr, Gilfach Goch, CF39 8SR. Byddan nhw'n sicr o dderbyn croeso cynnes, a lle i ymlacio a gwefru eu dyfeisiau symudol. Bydd gweithgareddau ac eitemau cynhesu dros y Gaeaf ar gael hefyd, yn ogystal â disgled o de a byrbryd mewn rhai llyfrgelloedd.              

Bwriad Canolfannau Croeso yn y Gaeaf yw bod yn fannau mewn cymunedau lleol lle mae modd i bobl ddod o hyd i amgylchedd diogel, hygyrch a chynnes yn ystod y dydd.

Bydd y canolfannau'n cynnig;

• Lluniaeth a byrbrydau (o leiaf) ond efallai byddan nhw'n cynnig pryd mwy sylweddol lle bo hynny'n berthnasol neu'n bosibl.
• Gwasanaethau cyngor a chymorth i’r rhai sy’n mynd, er enghraifft cyngor a chymorth ar faterion ariannol, iechyd a lles neu hygyrchedd digidol.
• Gweithgareddau megis ymarfer corff, neu weithgaredd celfyddydol a diwylliannol (yn amodol ar leoliad ac argaeledd).

Bydd cynnig pob canolfan yn amrywio. 

Mae'r Cyngor ar hyn o bryd yn gweithio mewn partneriaeth â'r sector cyhoeddus, y sector gwirfoddol a phartneriaid cymunedol i asesu a deall anghenion lleol, y ddarpariaeth bresennol ac i ddylunio a darparu atebion ar draws y Fwrdeistref Sirol.

Dyma restr o Ganolfannau Croeso yn y Gaeaf sydd ar agor yn Rhondda Cynon Taf ar hyn o bryd:

Rhondda

Cynon

Taf