Diben Cynllun Lliniaru Llifogydd Pentre yw mynd i'r afael â'r materion llifogydd yng nghymuned Pentre yng Nghwm Rhondda. Mae'r dudalen yma'n darparu manylion am y gwaith arfaethedig a'u harwyddocâd i gymuned Pentre.
Mae mapiau Asesu Perygl Llifogydd Cyfoeth Naturiol Cymru yn nodi bod Pentre mewn perygl mawr o lifogydd o ffynonellau dŵr afonol a dŵr wyneb a chyrsiau dŵr cyffredin. Mae Pentre hefyd wedi'i nodi'n ardal flaenoriaeth ar gyfer cyflawni gwaith lliniaru, a hynny'n seiliedig ar Gynllun Rheoli Perygl Llifogydd Rhondda Cynon Taf, sy'n cadarnhau ymhellach y perygl llifogydd sylweddol yn y gymuned.
Diben Cynllun Lliniaru Llifogydd Pentre yw datblygu a gweithredu rhaglen o fesurau lliniaru llifogydd yn unol â chanllaw achos busnes Rheoli Risg Llifogydd ac Erydu Arfordirol Llywodraeth Cymru. Mae'r fenter yma'n cyd-fynd ag egwyddorion Deddf Llesiant Cenedlaethau’r Dyfodol (Cymru), sy’n canolbwyntio ar leihau’r perygl o lifogydd drwy roi mesurau lliniaru hirdymor cynaliadwy ar waith.
Mae Cyngor Rhondda Cynon Taf, ar y cyd ag ymgynghorwyr penodedig RPS, wedi cynnal gwaith sgrinio a dadansoddi helaeth o opsiynau amrywiol i fynd i'r afael â'r perygl llifogydd ym Mhentre. Canlyniad y broses oedd nodi opsiwn a ffefrir ar gyfer datblygiad pellach. Mae gwybodaeth fanwl am yr opsiwn a ffefrir ar gael i'w hadolygu ar-lein trwy ofod ymgynghori rhithwir yma, a bydd gwybodaeth hefyd ar gael ar dudalen we ymgynghoriadau Rhondda Cynon Taf.
Bydd cyfle hefyd i gymryd rhan mewn achlysur ymgynghori wyneb yn wyneb yng Nghanolfan Pentre, a gaiff ei gynnal ar 29 a 30 Mehefin, rhwng 11am a 6pm.
Rydyn ni'n gwerthfawrogi mewnbwn yr holl randdeiliaid wrth lunio Cynllun Lliniaru Llifogydd Pentre. Fe'ch anogir i gymryd rhan yn y broses ymgynghori drwy ddefnyddio unrhyw un o'r dulliau a nodir uchod.