Skip to main content
Corporate Plan Rhondda Cynon Taf
Home

Hafan


Gwneud Gwahaniaeth

Mae'r Cyngor yn datblygu ei Gynllun Corfforaethol newydd ac mae angen eich help chi i ddeall yr hyn sy'n wirioneddol bwysig i drigolion Rhondda Cynon Taf.

 

Ein Blaenoriaethau

Ar ôl gwrando ar adborth cychwynnol gan drigolion am yr hyn sy'n bwysig iddyn nhw, adolygu ein cynnydd ers 2016 a gwneud yn siŵr ein bod ni'n cyflawni ein rhwymedigaethau cyfreithiol i Lywodraeth Cymru, rydyn ni'n cynnig y tair blaenoriaeth ganlynol:

Sicrhau bod POBL yn annibynnol, yn iach ac yn llwyddiannus

Gall hyn gynnwys...

  • Helpu ein trigolion mwy agored i niwed i gael ansawdd bywyd da
  • Annog ein trigolion i fod yn fwy egnïol ac iach
  • Gweithio gyda'r gwasanaethau iechyd i ddarparu cefnogaeth ar gyfer trigolion sydd ag anghenion cymhleth
  • Cydweithio i ddiwallu anghenion penodol plant a phobl ifainc

Creu LLEOEDD y mae pobl yn falch o gael byw, gweithio a chwarae ynddyn nhw

Gall hyn gynnwys...

  • Cadw ein strydoedd yn lân a lleihau ein heffaith ar yr amgylchedd
  • Gwella symudiad ac ansawdd yr aer ledled y Fwrdeistref Sirol
  • Gwneud y gorau o'n hadnoddau naturiol a'n mannau gwyrdd
  • Sicrhau bod y Fwrdeistref Sirol yn un o'r lleoedd mwyaf diogel yng Nghymru, gyda lefelau uchel o gydlyniant cymunedol a lle mae trigolion yn teimlo'n ddiogel

Galluogi FFYNIANT i greu'r cyfle i bobl a busnesau

Gall hyn gynnwys...

  • Gwneud canol ein trefi yn lleoedd gwych i fyw, gweithio a chymdeithasu ynddyn nhw
  • Manteisio ar brosiectau adfywio mawr ledled RhCT a De Cymru
  • Sicrhau bod gan ein trigolion y sgiliau a'r cymwysterau i gyflawni eu dyheadau gyrfaol

Rhagor o wybodaeth...

bar-chart

Rhagor o wybodaeth am y tueddiadau presennol a'r tueddiadau sy'n dod i'r amlwg ledled Rhondda Cynon Taf a sut maen nhw'n llunio ein Cynllun Corfforaethol.

Cyflawni ar gyfer y Dyfodol - Lawrlwytho pdf (418kb)

files-and-folders

Darllenwch ragor am ein syniadau ar gyfer y Cynllun Corfforaethol newydd hyd yn hyn.

Cynllun Corfforaethol Drafft - Lawrlwytho pdf (252kb)

CPR

Edrychwch ar y cynnydd rydyn ni wedi'i wneud ers y Cynllun diwethaf yn ein Hadroddiad Cyflawniad Corfforaethol 2019.

Adroddiad Cyflawniad Corfforaethol 2019-20 - Lawrlwytho pdf (8.9mb)