Bydd y rhan fwyaf o bobl yn dewis mynd i orsaf bleidleisio i fwrw eu pleidlais.

Ble i fwrw pleidlais?

Cyn etholiad, byddwch chi'n derbyn eich cerdyn pleidleisio trwy'r post. Bydd y cerdyn hwn yn cynnwys manylion pryd, ble, sut i bleidleisio. 

Sut mae bwrw pleidlais?

Yn yr orsaf bleidleisio bydd y Clerc Pleidleisio yn gofyn i chi i ddweud eich enw a'ch cyfeiriad. Peth da fyddai mynd â'ch cerdyn pleidleisio gyda chi i'r orsaf bleidleisio, ond fe gewch chi fwrw pleidlais hebddo fe.

Cofiwch: Mae'n drosedd i roi gwybodaeth anwir. Mae'n bosibl y cewch chi'ch erlyn.

Bydd y Clerc Pleidleisio yn rhoi papur pleidleisio i chi a fydd yn nodi dros sawl ymgeisydd y cewch chi bleidleisio.  Ewch â'r papur pleidleisio i fwth pleidleisio a rhoi croes ('x') yn y blwch wrth ymyl enw'r ymgeisydd neu ymgeiswyr rydych chi eisiau pleidleisio drosto/drostyn nhw.

Peidiwch ag ysgrifennu dim byd arall ar y papur.  Mae'n bosibl na fydd eich pleidlais yn cyfrif os gwnewch chi hynny.  Rhowch y papur yn y blwch pleidleisio.

Peidiwch â sôn wrth neb arall am bwy rydych chi wedi pleidleisio drosto.

Caiff etholiadau eu cynnal o 7 y bore tan 10.00 y nos ar y dyddiad penodol.

Os nad ydych chi’n siwr ble mae’ch gorsaf bleidleisio, ffoniwch 01443 490100.

Sut mae bwrw pleidlais

 

Helpwch ni i wella - peidiwch â chynnwys gwybodaeth bersonol neu ariannol, e.e. eich Rhif Yswiriant Gwladol neu fanylion cerdyn credyd.