Cynllun adfywio Canol Tref Tonypandy yw cynllun gwerth £1.5 miliwn i dyfu economi prif ardal fanwerthu Tonypandy. Calon yr ardal yw Dunraven Street.
Bydd amrediad o wasanaethau'r Cyngor yn cydlynu'r cynllun cynhwysol er mwyn gwella gweithgarwch economaidd yn y dref. Mae'r gwasanaethau Cymorth i Fusnesau, Adfywio, y Priffyrdd a Thrafnidiaeth yn gweithio gyda'i gilydd i adfywio'r dref.
Er mwyn paratoi ar gyfer troi Dunraven Street o fod yn ardal i gerddwyr yn unig, mae'r Cyngor yn cefnogi busnesau lleol i wella blaenau'u heiddo, diolch i Grant Cynnal a Chadw Canol y Dref. Mae'r grant yn rhoi hyd at £1,000 i fusnesau er mwyn gwella blaenau'u heiddo, gyda'r nod o wneud canol y dref yn lle mwy deniadol.
Mae'r Cyngor eisoes wedi cyflwyno parcio am ddim yn Nhonypandy, sy wedi annog rhagor o bobl i alw heibio i'r dref dros y 12 mis diwethaf.