Ein bwriad yw annog rhagor o bobl i fod yn fwy heini, yn fwy rheolaidd Er mwyn cyflawni hyn rydym yn gweithio gyda phartneriaid amrywiol fel ysgolion, clybiau chwaraeon, busnesau a chyrff llywodraethu cenedlaethol.
Dyma rai o'r prosiectau yr ydym wedi'u darparu'n ddiweddar ar draws Rhondda Cynon Taf.
Chwaraeon a Chlybiau Cymunedol
Rhan fawr o'n gwaith yw datblygu clybiau chwaraeon ar draws Rhondda Cynon Taf. Mae hyn yn cynnwys datblygu'r gweithlu, eu helpu nhw i wneud cais am gyllid a'u cynorthwyo â gwaith hyrwyddo. Rydyn ni'n anelu at ddatblygu capasiti ein clybiau chwaraeon fel bod modd iddyn nhw gael rhagor o bobl yn fwy gweithgar. Rydyn ni'n defnyddio 'clybiau chwaraeon' mewn modd cyffredinol iawn, ac mae'r term yn cynnwys yr holl grwpiau cymunedol sy'n darparu cyfleoedd chwaraeon a/neu weithgarwch corfforol.
Ydych chi'n glwb neu sefydliad cymunedol sy'n chwilio am gymorth? Dewch i ymuno gyda'n cynllun aelodaeth clwb a gofyn am gymorth yma.
Ysgolion
Elfen arall o'n gwaith yw cefnogi ysgolion. Rydyn ni'n helpu i hyfforddi staff, mentora arweinwyr ifainc, datblygu cyfleoedd newydd ac rydyn ni'n cynnal ystod o wyliau a chystadlaethau. Rydyn ni'n falch o gefnogi ysgolion gyda phrosiectau sy'n galluogi rhagor o blant i fod yn weithgar yn aml.
Ydych chi'n ysgol sy'n chwilio am gymorth? Cwblhewch ein ffurflen gais am wasanaethau ysgol yma.