Yn 2019, daeth sefydliad Dewch i Gerdded Cymru, a oedd yn cefnogi, yswirio a hyfforddi grwpiau cerdded yng Nghymru, i ben. Fe adawodd hyn grwpiau cerdded newydd a phresennol yn Rhondda Cynon Taf yn agored i niwed. Felly, er mwyn mynd i'r afael â hynny, rydyn ni wedi sefydlu Cerdded RhCT.
Mae Cerdded RhCT yn gynllun fydd yn cefnogi grwpiau cerdded newydd a phresennol yn RhCT drwy ddarparu cymorth i wirfoddolwyr sy'n Arweinwyr Cerdded. Yn rhan o'r cynllun, byddwn ni'n cynnig y canlynol i arweinwyr cerdded:
- Hyfforddiant Arweinydd Cerdded
- Yswiriant
- Gwiriad y Gwasanaeth Datgelu a Gwahardd (DBS) am ddim
- Gwobrau a chymhellion cynllun gwirfoddoli Chwaraeon RhCT
- Cymorth ynglŷn â marchnata
- Help a chyngor
Gofynion allweddol y cynllun
Er mwyn derbyn y gefnogaeth yma, rydyn ni angen i arweinwyr grŵp fodloni'r gofynion canlynol:
- Bydd angen i arweinwyr gofrestru'n wirfoddolwyr gyda Chwaraeon RhCT a mynychu cwrs hyfforddi blynyddol.
- Rhaid i arweinwyr fod dros 18 oed a rhaid iddyn nhw feddu ar dystysgrif Cymorth Cyntaf dilys.
- Rhaid cyflwyno cofrestrau i Chwaraeon RhCT bob chwe mis.
- Cymhareb o 1 arweinydd i 20 cyfranogwr ar bob taith gerdded.
- Rhaid i deithiau cerdded bara tua 2 awr a chael eu cynnal ar dir gwastad â risg isel.
Cliciwch yma er mwyn darllen y gofynion llawn.
Sut i ymuno â'r cynllun
Os ydych chi'n rhan o grŵp cerdded sy'n bodoli'n barod neu os hoffech chi gymorth i sefydlu grŵp cerdded newydd, anfonwch e-bost aton ni, Chwaraeonrhct@rctcbc.gov.uk. Byddwn yn cwrdd â chi i drafod y cynllun a chwblhau'r broses gofrestru.