Gan roi cipolwg diddorol ar hanes Tref Aberdâr, bydd y Llwybr Treftadaeth yma'n eich tywys o gwmpas safleoedd hanesyddol allweddol a lleoliadau Plac Glas, sy'n coffáu pobl, lleoedd ac achlysuron nodedig sy'n rhan o orffennol cyfareddol Aberdâr.
Ymhlith prif gyrchfannau'r llwybr mae Neuadd y Farchnad a groesawodd yr Eisteddfod Genedlaethol gyntaf, cerflun o'r cymeriad lleol a cherddor enwog Caradog, a 'Bwthyn y Frenhines Mary', bwthyn glöwr traddodiadol yr ymwelodd y Brenin Siôr V a'r Frenhines Mary ag ef yn 1912.
Mae'r daith gerdded 0.75km o hyd yn cychwyn o Neuadd y Farchnad ac yn gorffen yn yr Hen Bush Inn yn y dref. Ar Lwybr Llafar Aberdâr cewch chi glywed lleisiau aelodau Cymdeithas Hanes Cwm Cynon sy wedi'i lleoli yn Amgueddfa Cwm Cynon (lleoliad 20 ar y map) ac mae'n gymar gwych i'r llwybr yma.
Nodwch fod y llwybr yn wastad ar y cyfan, er mae'n bosibl y bydd rhywfaint o dir anwastad.