Bydd modd i ysgolion sy'n awyddus i sicrhau cyllid i gynyddu nifer y disgyblion sy'n cymryd rhan mewn gweithgarwch corfforol gyflwyno cais i'r Gronfa Ysgolion o ddydd Llun, 21 Medi.
Dyddiad cau - 2 Tachwedd.
Rydyn ni eisoes wedi cysylltu ag ysgolion sy'n cael eu blaenoriaethu. Rydyn ni'n annog unrhyw ysgolion eraill sy'n dymuno cymryd rhan i e-bostio YsgolionChwaraeonRhCT@rctcbc.gov.uk
Beth yw'r Gronfa Ysgolion?
Mae'r gronfa yn cefnogi ysgolion i ddatblygu prosiectau a rhaglenni newydd sydd â'r nod o annog rhagor o bobl i fod yn fwy heini, yn fwy aml. Gweler isod faint o arian y mae modd i’ch ysgol chi wneud cais amdano:
Ysgol Gynradd - £350
Ysgol Uwchradd - £600
Ysgol Arbennig - £750
Ysgol Cymuned (ysgol 3-16 mlwydd oed) - £750 (£250 Cynradd / £500 Uwchradd)
Bydd angen i ysgolion lunio Adroddiad Cwblhau Cynllun. Rhaid i ysgolion lunio’r adroddiad yma a'i ddychwelyd i Chwaraeon RhCT. Ni fydd ysgolion sydd heb ddychwelyd yr adroddiad yn gymwys ar gyfer unrhyw geisiadau yn y dyfodol hyd nes y bydd yr adroddiad wedi'i gwblhau. Ystyriwch gynaliadwyedd y prosiect a phwysigrwydd parhau â'r gwaddol unwaith y bydd y cyllid wedi'i wario.
Sut i wneud cais
Themâu Cronfa Ysgolion 2026/27
Eleni mae gan ein cronfa ysgolion 5 thema allweddol. Mae'n rhaid i'ch prosiect ymdrin â dwy neu ragor o'r themâu allweddol, a bydd angen dangos tystiolaeth o hyn drwy gydol eich cais. Nod cyffredinol y gronfa ysgolion yw cael rhagor o bobl yn fwy heini, yn fwy aml.
- Canolbwyntio ar Hwyl: dod â'r elfen hwyl yn ôl i chwaraeon ac ymarfer corff
- Ymgysylltu â Theuluoedd: ymgysylltu â theuluoedd mewn ysgolion i ddod yn fwy heini yn fwy aml
- Esiampl dda - siop fenthyca Bodringallt / hyfforddiant rhieni Tylorstown
- Llysgenhadon Ifainc, Arweinyddiaeth a Hyfforddiant: datblygu a gwella sgiliau'r gweithlu er mwyn darparu gweithgareddau chwaraeon ac ymarfer corff
- Dileu Rhywystrau: dileu rhwystrau i chwaraeon ac ymarfer corff ar gyfer grwpiau penodol e.e. ADY, cynhwysiant ac amddifadedd
- Cynyddu nifer y disgyblion sy'n cymryd rhan mewn gweithgarwch corfforolSylfaen: chwaraeon ac ymarfer corff ar gyfer plant dan 7 oed.
Er mwyn ymgeisio, lawrlwythwch y ffurflen gais a'i dychwelyd i Chwaraeon RhCT drwy e-bost YsgolionChwaraeonrhct@rhondda-cynon-taf.gov.uk. I lawrlwytho telerau ac amodau, cliciwch yma.
Os oes angen cymorth arnoch chi, cysylltwch â'ch Swyddog Chwaraeon RhCT (Sam Friend drwy e-bostio YsgolionChwaraeonrhct@rhondda-cynon-taf.gov.uk.
Cyflenwyr wedi'u cymeradwyo
- Newitts
- Davies Sport
- Bishop Sport
- Amazon
- Decathlon
- Net World Sports
- TTS
- Mira Fit
- Wolverson Fitness
- YPO
Peidiwch â defnyddio cyflenwyr y caiff darparwyr addysg yn unig eu defnyddio.
Astudiaethau Achos Eraill
Dyma rai esiamplau o brosiectau rydyn ni wedi’u cefnogi.