Ymgynghoriadau sy'n cael eu cynnal ar hyn o bryd

Mae Comisiynydd yr Heddlu a Throseddu De Cymru wedi lansio arolwg yn ddiweddar, sy'n ymwneud â faint mae trigolion yn cyfrannu at blismona fel rhan o'u Treth y Cyngor. Cyn i'r Comisiynydd benderfynu ar gyllideb ar gyfer yr Heddlu ym mis Ionawr 2026, mae hi eisiau deall lefel y gefnogaeth gan drigolion o ran yr opsiynau arfaethedig i gynyddu cyllid ar gyfer yr Heddlu yn 2026/27. Bydd adborth yn helpu'r Comisiynydd i benderfynu sut i ddal y ddysgl yn wastad o ran darparu digon o gyllid i amddiffyn gwasanaethau hanfodol a chadw pobl yn ddiogel, wrth hefyd ystyried fforddiadwyedd i drigolion.

Mae'r Cynllun Strategol Addysg drafft ar gyfer 2026-2030 yn nodi'r cyfeiriad ar gyfer y Gyfarwyddiaeth Addysg a Gwasanaethau Cynhwysiant am y 4 blynedd nesaf, gan amlinellu cenhadaeth, gweledigaeth ac uchelgais y Gyfarwyddiaeth Addysg a Gwasanaethau Cynhwysiant ar gyfer ein hysgolion yn Rhondda Cynon Taf. Hoffen ni ichi fwrw'ch sylwadau chithau ar ein cynllun, ac mae modd gwneud hynny mewn sawl ffordd.