Trwydded Mangre Cymeradwy a Thrwydded Triniaethau Arbennig

Mae Rhan 4 o Ddeddf Iechyd y Cyhoedd (Cymru) 2017 yn creu cynllun trwyddedu mandadol ar gyfer ymarferwyr a busnesau sy'n cynnal 'Triniaethau Arbennig' yng Nghymru.

Mae angen trwydded mandadol ar gyfer y 4 driniaeth ganlynol yn unol â Deddf Iechyd y Cyhoedd (Cymru) 2017:

• Aciwbigo – gan gynnwys aciwbigo traddodiadol ac aciwbigo gan ddefnyddio nodwydd sych. Dyw hyn ddim yn cynnwys unrhyw ddisgyblaeth sy’n gysylltiedig ag aciwbigo sydd ddim yn cynnwys rhoi nodwyddau yn y croen
• Tyllu'r corff – mae hyn yn cynnwys pob darn o'r corff, gan gynnwys tyllu clustiau a’r trwyn a thyllu'r corff mewn rhan bersonol o’r corff
• Electrolysis – dim ond yn berthnasol pan fydd nodwydd yn cael ei roi yn y croen
• Tatŵio – gan gynnwys colur lled-barhaol (h.y. unrhyw therapi harddwch sy'n cynnwys rhoi deunyddiau lliwio yn y croen) yn ogystal â thatŵio traddodiadol

Rhaid i bob ymarferydd gael ei Drwydded Triniaethau Arbennig ei hun, a dim ond mewn mangre/cerbyd sydd wedi'i gymeradwyo gyda Thystysgrif Mangre Cymeradwy y mae gyda nhw hawl i weithredu.

• Mae Trwydded Triniaethau Arbennig yn para am 3 blynedd
• Mae Trwydded Mangre Cymeradwy yn para am 3 blynedd
• Mae trwydded dros dro yn ddilys am gyfnod nad yw’n fwy na 7 diwrnod

Rhaid i unrhyw un sy'n cyflwyno cais am drwydded a/neu dystysgrifau cymeradwyo fod yn 18 oed neu’n hŷn a rhaid eu bod nhw’n meddu ar gymhwyster Atal a Rheoli Heintiau Lefel 2 cymeradwy er mwyn bod yn gymwys i ymgeisio.

Does dim hawl cyflawni unrhyw un o'r triniaethau uchod heb Drwydded Mangre Cymeradwy a Thrwydded Triniaethau Arbennig.

Dogfennau Ategol 

Rhaid cyflwyno dogfennau ategol ar gyfer Cais am Drwydded Ymarferydd gyda'r cais.

• Ffi'r cais          
• Un ffotograff lliw o'ch wyneb cyfan ar ffurf llun pasbort
• Tystiolaeth o yswiriant dilys mewn perthynas â chynnal triniaeth arbennig
• Tystiolaeth o dystysgrif datgeliad sylfaenol diweddar (gan y Gwasanaeth Datgelu a Gwahardd)
• Datganiad o droseddau perthnasol (fel y nodir yn y Ddeddf)
• Tystiolaeth o gyflawni dyfarniad Lefel 2 rheoleiddiedig yn llwyddiannus (atal a rheoli heintiau)
• Gwiriad enw a dyddiad geni (e.e. pasbort, trwydded yrru, ac ati)
• Gwiriad cyfeiriad preswyl cyfredol (e.e. trwydded yrru, llythyr Treth y Cyngor, bil cyfleustodau, ac ati)

Rhaid cyflwyno dogfennau ategol ar gyfer cais am Drwydded Mangre Cymeradwy gyda'r cais.

• Cynllun gosodiad y fangre neu'r cerbyd (rhaid cynnwys mynedfa/allanfa'r fangre a mynediad i unrhyw ystafelloedd, mesuriad a siâp unrhyw ystafell yn y fangre a lleoliad sinciau offer, biniau eitemau miniog, ystafelloedd i'r staff, mannau/cyfleusterau/ystafelloedd storio ar gyfer cynhyrchion ac offer, toiledau, mannau/ystafelloedd aros, sinciau golchi dwylo, biniau gwastraff, ffenestri a gweithfannau)
• Tystiolaeth o yswiriant dilys sydd gan yr ymgeisydd mewn perthynas â'r fangre neu'r cerbyd
• Tystiolaeth o'r dyfarniad Lefel 2 rheoleiddiedig mewn atal a rheoli heintiau ar gyfer triniaethau arbennig
• Os ydych chi'n trwyddedu cerbyd, rhaid darparu ffotograff lliw diweddar o'r cerbyd

Ffioedd Trwyddedau

Darllenwch y canllawiau sydd wedi'u cyhoeddi gan Lywodraeth Cymru cyn gwneud cais:

Triniaethau Arbennig: aciwbigo, electrolysis, tyllu'r corff a thatŵio | LLYW.CYMRU

Gwneud cais am Drwydded

Yr hyn a fydd yn digwydd nesaf

Unwaith y bydd eich cais wedi dod i law, bydd swyddog yn cysylltu â chi i drefnu cyfweliad yn eich mangre i drafod eich cais ac asesu eich gweithdrefnau rheoli heintiau a'ch cydymffurfiaeth â'r amodau mandadol. Ar ôl cwblhau hyn, byddwch chi'n derbyn eich Tystysgrif Mangre Cymeradwy a/neu'ch trwydded a bathodyn Triniaethau Arbennig. Bydd eich manylion yn cael eu hychwanegu at y Gofrestr Genedlaethol o Ymarferwyr a Mangreoedd Cymeradwy: Cofrestr Gyhoeddus Triniaethau Arbennig (cliciwch ar ‘Cymraeg’).

Am ragor o wybodaeth, cysylltwch â'r: