Tashwedd

Wyddoch chi fod un dyn yn marw drwy hunanladdiad bob munud o bob awr o bob dydd? Neu wyddoch chi fod canser y ceilliau yn effeithio ar fwy o bobl rhwng 15 a 34 oed nag unrhyw ganser arall?

Dyma pam mae Cyngor Rhondda Cynon Taf yn cymryd rhan yn ymgyrch Tashwedd. Dyma ymgyrch sy’n ceisio codi ymwybyddiaeth am iechyd meddwl, atal hunanladdiad, canser y brostad a chanser y gaill. Ers 2003, mae ymgyrch Tashwedd wedi ariannu mwy na 1,250 o brosiectau iechyd meddwl i ddynion o amgylch y byd, gan roi hwb i waith ymchwil ym maes iechyd dynion a thrawsnewid y ffordd y mae gwasanaethau iechyd yn cysylltu â dynion, a’u cefnogi.

Sut galla i gymryd rhan?

-        Tyfwch fwstash. Tyfwch fwstash i ddangos eich bod chi’n cefnogi’r ymgyrch i wella iechyd dynion. Bydd gwneud hyn hefyd yn helpu i dynnu sylw a dechrau sgyrsiau.

-        Symudwch eich corff  Mae ymgyrch Tashwedd yn ein hannog ni i symud ein cyrff er mwyn cofio’r 60 dyn sy’n marw drwy hunanladdiad bob awr ym mhob rhan o’r byd. Yr unig beth y mae angen i chi ei wneud er mwyn cymryd rhan yw cerdded neu redeg 60 cilomedr. Mae croeso i chi gwblhau'r pellter mewn un tro neu drwy gydol mis Tashwedd.

-        Dewch at eich gilydd.Ewch ati i gynnal achlysur o'ch dewis chi sy'n codi ymwybyddiaeth ac arian ar gyfer iechyd dynion. Mae modd i hyn fod yn unrhyw beth boed yn ras elusennol, achlysur gwerthu cacennau neu unrhyw achlysur y byddai modd i chi â'ch cydweithwyr ei fwynhau gyda'ch gilydd.

-        Cwblhewch eich her eich hun. Beth am fynd ati i ddringo mynydd, curo eich amser gorau, rhoi’r gorau i arfer ddrwg am fis. Gwnewch rywbeth mewn ffordd sy'n gweithio i chi.

-        Cyfranwch. Os nad ydych chi'n awyddus i gwblhau gweithgaredd mae modd i chi gyfrannu at yr achos.  Dyma'r ddolen ar gyfer y dudalen codi arian lle mae modd i chi gyfrannu er mwyn cefnogi eich cydweithwyr ac ymgyrch Tashwedd