Ffliw

Bob blwyddyn mae ymgyrch genedlaethol i annog pobl sy'n gymwys i dderbyn eu brechlyn rhag y ffliw. Mae modd i'r ffliw fod yn ddifrifol iawn. Feirws sy'n ei achosi ac mae modd iddo arwain at salwch fel broncitis a niwmonia a fydd o bosibl angen triniaeth yn yr ysbyty. Mae achosion ffliw yn ymddangos bob gaeaf, yn enwedig mewn ysbytai a chartrefi gofal. Yn ystod gaeaf arferol, bydd miloedd o bobl yn marw yn y DU yn sgil salwch sy'n gysylltiedig â'r ffliw. Yn ôl Llywodraeth y DU, mae cael eich brechu rhag y ffliw yn golygu eich bod chi 33% yn llai tebygol o orfod cael eich anfon i’r ysbyty oherwydd y ffliw

Cael brechlyn rhag y ffliw bob blwyddyn yw'r ffordd orau i amddiffyn eich hun a'r rhai rydych chi'n eu caru ac yn gofalu amdanyn nhw rhag y ffliw. Trefnwch eich brechlyn rhag y ffliw am ddim

Os oes mynediad TGCh gyda chi ewch i: https://brechiadrhagyffliw.rctcbc.gov.uk/ i drefnu eich brechlyn rhag y ffliw. Os does dim mynediad TGCh gyda chi, ffoniwch 01443 425010 i drefnu eich brechlyn.

Bydd modd cadw lle o 18 Medi ymlaen, felly PEIDIWCH â chadw lle cyn hynny!

Bydd angen eich...

•Rhif Yswiriant Gwladol

•Dyddiad geni

(Nodwch: Yn anffodus, oherwydd y nifer uchel o apwyntiadau a gafodd eu colli'r llynedd, byddwn ni'n codi tâl o £20 os na fyddwch chi'n dod i'ch apwyntiad).

Ewch i weld eich meddyg teulu i gael brechlyn os ydych chi'n dod o dan y categorïau canlynol:

• Mae cyflwr meddygol gyda chi sy'n eich gwneud chi'n gymwys
• Rydych chi'n feichiog

Mynnwch olwg ar y dyddiadau y mae modd cael eich brechu rhag y ffliw isod:

Llyfrgell Treorci, Heol yr Orsaf, Canol y Dref, Treorci, CF42 6NN: Dydd Mawrth 8 Hydref 2024, 9am – 1pm/ Dydd Iau 24 Hydref, 9:15am-1pm

Llyfrgell Llantrisant, Canolfan Hamdden Llantrisant, Lôn Tirmeibion, Pont-y-clun, CF72 8DJ: Dydd Mercher 9 Hydref 2024, 9am – 1pm

Uned Iechyd a Lles Galwedigaethol, Adeiladau'r Cyngor, Heol Gelliwastad, Pontypridd, CF37 2DP:  Dydd Iau 10 Hydref 2024/ Dydd Gwener 11 Hydref 2024, 8am – 6pm

Tŷ Elái, Uned B1, Ystad Ddiwydiannol Dinas Isaf, Tonypandy, CF40 1NY:  Dydd Mawrth 15 Hydref 2024, 9am – 5pm

Uned Iechyd a Lles Galwedigaethol, Adeiladau'r Cyngor, Heol Gelliwastad, Pontypridd, CF37 2DP:  Dydd Mercher 16 Hydref 2024, 8am – 6pm

Llyfrgell Aberdâr, Y Stryd Las, Aberdâr, CF44 7AG:  Dydd Iau 17 Hydref 2024, 9am – 5pm

Llyfrgell Porth, 47-48, Heol Pontypridd, Porth, CF39 9PG:  Dydd Iau 17 Hydref 2024, 9am – 1pm