Mae'r Rheoliad Diogelu Data Cyffredinol (GDPR) yn rhoi hawliau pwysig i chi
Mae crynodeb o'ch prif hawliau isod. Mae modd i chi gael rhagor o wybodaeth ynglŷn â phob hawl drwy glicio ar y dolenni ym mhob adran.
Hawl i gael gwybod
Mae'r hawl yma'n amlinellu pa wybodaeth y dylai'r Cyngor ei rhannu â chi pan fyddwn ni'n casglu'ch gwybodaeth bersonol ac yn ei defnyddio.
I gael rhagor o wybodaeth am eich hawl i gael gwybod
Hawl i weld gwybodaeth
Mae hyn yn eich galluogi chi i ofyn i'r Cyngor os oes ganddo wybodaeth bersonol amdanoch chi ac at ba ddiben y mae e'n defnyddio'r wybodaeth yma, yn ogystal â gwneud cais am gopi o'r wybodaeth yma.
I gael rhagor o wybodaeth am eich hawl i gael mynediad at eich gwybodaeth bersonol
Hawl i gywiro gwybodaeth anghywir
Mae hyn yn eich galluogi chi i ofyn i'r Cyngor gywiro eich gwybodaeth bersonol os yw hi'n anghywir neu'n anghyflawn.
I gael rhagor o wybodaeth am eich hawl i gywiro gwybodaeth
Hawl i ddileu gwybodaeth
Mae hyn yn eich galluogi chi i ofyn i'r Cyngor ddileu eich gwybodaeth bersonol os does dim rheswm digonol dros barhau i'w defnyddio. Dydy'r hawl yma ddim yn ddiamod, ac mae hi ond yn gymwys o dan amgylchiadau penodol.
I gael rhagor o wybodaeth am eich hawl i ddileu gwybodaeth
Hawl i gyfyngu ar sut y caiff eich gwybodaeth ei defnyddio
Mae hyn yn rhoi hawl i chi ofyn i'r Cyngor atal eich gwybodaeth bersonol neu roi'r gorau i'w defnyddio hi os bydd hyn yn peri niwed a straen sylweddol a diangen i chi. Dydy'r hawl yma ddim yn ddiamod, ac mae hi ond yn gymwys o dan amgylchiadau penodol.
I gael rhagor o wybodaeth am eich hawl i gyfyngu ar sut y caiff eich gwybodaeth ei defnyddio
Hawl i gludo gwybodaeth
Mae'r hawl yma yn eich galluogi chi i ofyn i'r Cyngor am gopi electronig o'ch gwybodaeth mewn modd darllenadwy, a hynny fel bod modd i chi ei rannu â sefydliad neu ddarparwr gwasanaeth arall. Mae'r hawl i gludo gwybodaeth ond yn gymwys o dan rai amgylchiadau penodol.
I gael rhagor o wybodaeth am eich hawl i gludo gwybodaeth
Hawl i wrthod gadael i'r Cyngor ddefnyddio eich gwybodaeth
Mae'r hawl yma yn eich galluogi chi i wrthod gadael i'r Cyngor brosesu eich gwybodaeth bersonol o dan amgylchiadau penodol.
At ddibenion marchnata uniongyrchol
- Pan gaiff yr wybodaeth ei phrosesu yn seiliedig ar fudd gwirioneddol neu gyflawni tasg er budd y cyhoedd / gweithredu awdurdod swyddogol*
- Proffilio*
- Dibenion gwaith ymchwil*
*Dydy'r hawl yma ddim yn ddiamod, ac eithrio mewn perthynas â dibenion marchnata uniongyrchol.
I gael rhagor o wybodaeth am eich hawl i wrthod gadael i'r Cyngor ddefnyddio eich gwybodaeth
Hawliau mewn perthynas â gwneud penderfyniadau awtomatig a phroffilio.
Mae'r hawl yma yn eich galluogi chi (o dan rai amgylchiadau) i wrthod gadael i'r Cyngor wneud penderfyniadau sylweddol amdanoch chi pan fo'r penderfyniadau hynny yn gwbl awtomatig heb unrhyw fewnbwn gan unigolyn.
I gael rhagor o wybodaeth am eich hawl mewn perthynas â gwneud penderfyniadau awtomatig a phroffilio