Newidiadau i Ddiwrnodau Casglu dros y Nadolig

Bydd y newidiadau'n berthnasol i BOB casgliad ailgylchu, gan gynnwys cewynnau, bwyd a bagiau ailgylchu CLIR. 

Casgliadau'r wythnos sy'n dechrau Dydd Llun 25 Rhagfyr

Bydd casgliadau a fyddai fel arfer wedi’u cynnal ddydd Llun 25 Rhagfyr yn digwydd ddydd Mercher 27 Rhagfyr, a bydd pob casgliad yn digwydd 2 ddiwrnod yn hwyrach - felly bydd casgliadau dydd Mawrth yn digwydd ddydd Iau, dydd Mercher ar y dydd Gwener, dydd Iau ar y dydd Sadwrn, a dydd Gwener ar y dydd Sul. 

Dylech chi roi'r holl wastraff a deunydd ailgylchu'r cartref (ynghyd â gwastraff bwyd a chewynnau) yn y man casglu arferol erbyn 7am ar y diwrnod casglu dros dro.

Casgliadau'r wythnos sy’n dechrau ddydd Llun 1 Ionawr 2024 

Bydd pob casgliad yn digwydd ddiwrnod yn hwyrach - felly bydd casgliad dydd Llun yn digwydd ar y dydd Mawrth ac ati. Mae hyn yn wir ar gyfer POB casgliad ar gyfer ailgylchu, bwyd, cewynnau a bagiau du yr wythnos sy'n dechrau ddydd Llun, 1 Ionawr (wythnos y Flwyddyn Newydd).

Bydd rhaid gosod gwastraff a deunydd ailgylchu'r cartref (ynghyd â gwastraff bwyd a chewynnau) yn y man arferol erbyn 7am ar ddiwrnod eich casgliad..

Os nad yw'ch gwastraff / eitemau ailgylchu wedi cael eu casglu yn ôl y disgwyl, gadewch yr eitemau ar ymyl y ffordd. Mae'n bosibl bod ein gweithwyr yn gweithio oriau ychwanegol er mwyn ateb y galw. Bydd ein gweithwyr yn gweithio gyda'r nos ar adegau prysur.

Bydd POB casgliad gwastraff ac ailgylchu yn dychwelyd i'r drefn arferol yr wythnos sy'n dechrau ddydd Llun 8 Ionawr 2024.

Awgrymiadau ar gyfer Casgliadau

• Golchwch gynwysyddion bwyd a photeli diodydd yn y dŵr sy'n weddill ar ôl i chi olchi'ch llestri cyn eu rhoi nhw yn eich bagiau ailgylchu.
• Sicrhewch fod digon o fagiau ailgylchu gyda chi cyn cyfnod y Nadolig. Mae modd casglu bagiau o'r mannau casglu ledled RhCT.
• Cofiwch roi'r sbwriel a'r deunyddiau i'w hailgylchu allan erbyn 7am ar eich diwrnod casglu arferol, neu'r diwrnod casglu dros dro. Peidiwch â'u rhoi allan cyn hynny rhag ofn y byddan nhw'n gorlifo ac yn peri trafferthion i gerddwyr sy'n defnyddio'r palmant.
• Rhowch yr holl bapur lapio a bagiau anrheg mewn bag clir ar wahân gan gynnwys ffoil a phapur lapio sgleiniog.
• Trefnwch gasglu'ch coeden Nadolig go iawn ar-lein o 4 Rhagfyr.

Casgliadau Gwastraff Swmpus a Gwastraff Gwyrdd.

Fydd dim gwasanaethau casglu eitemau swmpus na chwaith gwasanaeth dosbarthu biniau ag olwynion/biniau gwastraff bwyd yn ystod yr wythnos sy'n dechrau 25 Rhagfyr. Mae hyn er mwyn i ni ddefnyddio cymaint o adnoddau â phosibl i gasglu'r holl wastraff ailgylchu rydyn ni'n ei ddisgwyl eleni. Bydd gwasanaethau arferol yn ailddechrau ddydd Llun 8 Ionawr.

Bydd y gwasanaeth Casglu Gwastraff Gwyrdd y Gaeaf (gan gynnwys coed Nadolig sydd heb eu trefnu i gael eu casglu) yn cael ei ohirio am yr wythnos sy’n dechrau dydd Llun 25 Rhagfyr. Bydd Casgliadau Gwastraff Gwyrdd y Gaeaf wedi'u trefnu yn ailddechrau ddydd Llun, 15 Ionawr 2023. Bydd modd i chi fynd â'ch gwastraff gwyrdd, gan gynnwys coed Nadolig go iawn (heb fag), i'ch canolfan ailgylchu yn y gymuned leol drwy gydol cyfnod yr ŵyl.

Nodwch: Mae modd mynd â choed Nadolig artiffisial naill ai i Ganolfan Ailgylchu yn y Gymuned neu drefnu iddyn nhw gael eu casglu'n rhan o gasgliad Gwastraff Swmpus.

Hysbysiad Mynediad:

Gofynnwn i chi ystyried ein cerbydau casglu gwastraff a deunyddiau i'w hailgylchu wrth barcio ar y strydoedd. Sicrhewch eich bod chi'n gadael digon o le ar gyfer ein cerbydau, yn enwedig yn y strydoedd cul.