Mae tua 30% o gynnwys eich bin yn cynnwys darnau bwyd dros ben a gwastraff o'r ardd, sy'n ddeunyddiau organig y mae modd iddyn nhw gael eu troi'n gompost i'ch gardd.
Beth mae modd i mi ei gompostio?
Dyma ychydig o wybodaeth am yr hyn y mae modd i chi ei roi yn eich bin i wneud y compost gorau. Anelwch at gydbwysedd o 50% o ddeunydd gwyrdd a 50% o ddeunydd brown yn eich bin compost i gael y cymysgedd cywir.
'Gwyrdd'
Mae'r rhain yn pydru'n sydyn ac yn darparu nitrogen a lleithder pwysig
- Gwrtaith anifeiliaid gyda gwellt
- Chwyn blynyddol
- Cwlwm y cythraul (bindweed)
- Rhedynen
- Coesyn sbrowts
- Pen a choesyn moron
- Croen ffrwyth citrws
- Coffi
- Dail cwmffri
- Blodau wedi'u torri
- Codwarth
- Croen a phwlp ffrwyth
- Hadau ffrwyth
- Gwair wedi'i dorri
- Gwair
- Toriadau o'r clawdd
- Planhigion tŷ
- Dail eiddew
- Danadl
- Hen blanhigion gwely blodau
- Chwyn lluosflwydd
- Planhigion gwenwynig
- Dail riwbob
- Gwymon
- Toriadau meddal a malurion planhigion
- Dail a bagiau te
- Wrin
- Croen a phwlp llysiau
'Brown'
Mae’r rhain yn pydru'n arafach, darparu carbon a ffeibr ac yn caniatau pocedi aer i ffurfio.
- Dail yr hydref
- Cardfwrdd
- Coeden Nadolig
- Leininau startsh corn
- Tywelion cotwm
- Gwlân cotwm
- Bocsys Wyau
- Plisg ŵy
- Toriadau bytholwyrdd
- Gwallt
- Cyrc naturiol
- Cnau
- Bagiau papur
- Gwyros
- Gwellt
- Cobiau India-corn
- Toriadau pigog
- Planhigion tomatos
- Papur cegin wedi'i ddefnyddio
- Cynnwys sugnwyr llwch
- Coed onnen
- Gwlân
Peidiwch â chynnwys y rhain!
Ni ddylid byth rhoi rhai pethau yn eich bin.
- Esgyrn - gall atynnu plâu
- Bara - gall atynnu plâu
- Caniau - fyddan nhw ddim yn pydru
- Torllwyth cath - gall gynnwys clefyd
- Bonion sigaréts - gall cemegau gael eu rhyddhau i'r compost
- Ffilm lapio - ni fydd yn diraddio
- Lludw glo - gall halogion achosi difrod i blanhigion
- Pacedi creision - ni fydd yn diraddio
- Cynnyrch llaeth - gall atynnu plâu
- Cewynnau tafladwy - risg iechyd
- Ysgarthion ci - gall gynnwys clefyd
- Bwyd ci - gall atynnu plâu
- Cartonau diod - ni fydd yn diraddio
- Darnau o gig a physgod - gall atynnu plâu
- Olew olewydd - gall atynnu plâu
- Bagiau plastig - ni fydd yn diraddio
- Poteli plastig - ni fydd yn diraddio
- Hances wedi'i defnyddio - gall fod yn risg iechyd
Manteision compostio gartref
- Mae compostio yn dargyfeirio gwastraff organig o safleoedd tirlenwi ac yn helpu i leihau cronni nwyon tŷ gwydr fel methan.
- Mae compost yn gyfoethog mewn maetholion a gall ddarparu cyflyrydd pridd ardderchog ar gyfer eich gardd. Mae'n rhad ac am ddim ac yn wrtaith cyflawn ar gyfer pob planhigyn a llysiau. Mae'n darparu bwyd planhigion sylfaenol a chyflyrydd pridd o'r enw hwmws, sy'n gwella ffrwythlondeb a strwythur y pridd.
- Mae modd defnyddio compost yn lle gwrteithiau a mawn niweidiol.
Prynu bin compost
Dydyn ni ddim yn cynnig gwasanaeth â chymorthdal bellach. Yn lle hynny, mae modd i chi brynu bin compost o ganolfannau garddio, siopau DIY a manwerthwyr ar-lein.