Mae Gwasanaeth Paru Tenantiaid Rhondda Cynon Taf yn helpu landlordiaid i ddod o hyd i ddarpar denantiaid.
Mae tenantiaid yn cael eu paru ag eiddo yn unol â'u gallu i fodloni'r rhwymedigaethau ariannol wrth dalu lefel benodol o rent. Maen nhw'n cael cymorth i sefydlu hawliadau Credyd Cynhwysol ar gyfer eu costau tai a chymorth i sefydlu'r biliau cyfleustodau.
Does dim rhaid i landlordiaid dderbyn tenantiaid sydd wedi'u henwebu gan Wasanaeth Paru Tenantiaid y Cyngor ac mae hawl gyda nhw hysbysebu a gosod yr eiddo yn breifat o hyd.
Sut mae modd i landlordiaid gael mynediad at y gwasanaeth yma?
Mae modd i landlordiaid gael mynediad at y gwasanaeth yma drwy gysylltu â'r Garfan Materion Tai yn uniongyrchol drwy ffonio neu e-bostio.
E-bost: GosodTaiCymdeithasol@rctcbc.gov.uk
Rhif ffôn: 01443 281490