Hysbysiad preifatrwydd mewn perthynas â phrosesu data personol gan Gyngor Bwrdeistref Sirol Rhondda Cynon Taf at ddibenion Gwasanaeth Recriwtio Maethu Cymru Rhondda Cynon Taf.
Cyflwyniad
Bwriad yr hysbysiad preifatrwydd yma yw darparu gwybodaeth am sut y bydd Cyngor Bwrdeistref Sirol Rhondda Cynon Taf (cyfeirir ato fel 'Cyngor Rhondda Cynon Taf', 'y Cyngor', 'Awdurdod Lleol', 'ni') yn defnyddio (neu'n 'prosesu') data personol am unigolion at ddibenion Gwasanaeth Recriwtio Maethu Cymru Rhondda Cynon Taf.
Dylech chi ddarllen yr hysbysiad yma yn ogystal â:
Y Rheolydd Data
Y Cyngor yw'r rheolydd data ar gyfer y data personol a gaiff eu prosesu at ddibenion Gwasanaeth RecriwtioMaethu Cymru Rhondda Cynon Taf.
Mae'r Cyngor wedi'i gofrestru gyda Swyddfa'r Comisiynydd Gwybodaeth fel rheolwr. Ei gyfeirnod yw Z4870100.
Ymholiadau yn ymwneud â'r hysbysiad preifatrwydd yma
Os oes gyda chi unrhyw gwestiynau neu ymholiadau yn ymwneud â'r hysbysiad preifatrwydd yma, cysylltwch â Maethu Cymru Rhondda Cynon Taf
Trwy e-bost: enquiries@fosterwalesctm.co.uk
Rhif ffôn: 01443 425007
Drwy'r post: Tŷ Catrin, Uned 1, Ystad Ddiwydiannol Hen Lofa'r Maritime, Pontypridd, CF37 1NY
Pwy ydyn ni a beth rydyn ni'n ei wneud
Maethu Cymru Rhondda Cynon Taf yw'r gwasanaeth maethu sy'n gyfrifol am fynd i'r afael â phob ymholiad mewn perthynas â maethu, asesu ymgeiswyr, a chynorthwyo rhieni maeth wedi'u cymeradwyo ar ran Cyngor Rhondda Cynon Taf.
Mae ein Carfan Recriwtio Rhanbarthol ymroddedig yn rheoli pob ymholiad mewn perthynas â maethu sy'n cael ei dderbyn gan Gynghorau Rhondda Cynon Taf, Merthyr Tudful a Phen-y-bont ar Ogwr. Rydyn ni hefyd yn cynnal ymweliadau cartref cychwynnol er mwyn asesu addasrwydd o ran dod yn rhiant maeth.
Mae modd i chi ddarllen rhagor am y camau i ddod yn rhiant maeth yma: https://rhct.maethucymru.llyw.cymru/y-broses/
Data personol pwy rydyn ni'n eu prosesu?
Os ydych chi’n cyflwyno ymholiad neu os ydych chi’n dymuno dod yn rhiant maeth, byddwn ni'n prosesu gwybodaeth mewn perthynas â chi, eich partner, a'ch plant, ac unrhyw un arall sy'n byw yn eich aelwyd.
Y categorïau data personol rydyn ni'n eu prosesu
Mae'n bosibl y byddwn ni'n prosesu'r categorïau canlynol o ddata personol at ddibenion Gwasanaeth Recriwtio Maethu Cymru Rhondda Cynon Taf:
- Manylion cyswllt, gan gynnwys enw, cyfeiriad, cod post, rhif ffôn a chyfeiriad e-bost.
- Gwybodaeth bersonol megis dyddiad geni
- Gwybodaeth sy'n ymwneud ag iechyd
- Eich ethnigrwydd
- Unrhyw euogfarnau troseddol sydd gyda chi o bosib
- Unrhyw ymgysylltiad gyda’r Gwasanaethau Cymdeithasol
- Eich crefydd
Mae’n bosibl y byddwch chi'n gweld ein hysbysebion recriwtio ar eich cyfrifon cyfryngau cymdeithasol Facebook ac Instagram, er mwyn cynnal yr hysbysebion yma, mae’n bosibl y bydd eich Cyfeiriad IP a data eich gweithgarwch yn cael ei brosesu gan Meta AI. Mae modd dod o hyd i ragor o wybodaeth yn eu hysbysiad preifatrwydd yma.
Pam rydyn ni'n prosesu data personol?
Rydyn ni'n prosesu'r data personol er mwyn recriwtio rhieni maeth. Mae'n bosibl y bydd hyn yn cynnwys, ond heb ei gyfyngu i'r gweithgareddau canlynol:
- Er mwyn ymateb i'ch ymholiad a darparu gwybodaeth mewn perthynas â bod yn rhiant maeth.
- Os byddwch chi'n penderfynu parhau â'ch cais i faethu, byddwn ni'n cynnal ymweliad â'ch cartref ac yn casglu rhagor o wybodaeth er mwyn penderfynu a ydych chi a'ch aelwyd yn addas i ddod yn rhiant maeth.
- Mynd ar ôl eich ymholiad os nad ydyn ni wedi clywed gennych chi.
- Cynnal ymgyrchoedd hysbysebu ar y cyfryngau cymdeithasol.
- Cwblhau adroddiadau er mwyn ein helpu ni i ddeall sut mae ein gwasanaethau recriwtio yn cael eu defnyddio, monitro cyflawniad a nodi anghenion.
- Cysylltu â chi i ddarparu adborth mewn perthynas â'r gwasanaethau rydyn ni'n eu darparu, er mwyn helpu i wella ansawdd ac effeithiolrwydd ein gwasanaeth.
- Os ydych chi wedi cytuno i fod yn rhan o'n rhestr bostio, byddwn ni'n anfon newyddion am ofal maeth megis straeon am lwyddiannau ac achlysuron maethu sydd i ddod.
Ein sail gyfreithlon ar gyfer prosesu'r data personol
O dan y Rheoliadau Diogelu Data Cyffredinol (GDPR), ein sail gyfreithlon ar gyfer prosesu'r data personol i recriwtio rhieni maeth yw
- Rhwymedigaeth Gyfreithiol - Erthygl 6(1)(c) – prosesu sy'n angenrheidiol ar gyfer rhwymedigaeth gyfreithiol sydd wedi'i rhoi i'r rheolwr.
- Tasg Gyhoeddus – Erthygl 6 (1)(e) – prosesu sy'n angenrheidiol ar gyfer cyflawni tasg er budd y cyhoedd neu arfer awdurdod swyddogol sydd wedi'i roi i'r rheolwr.
- Budd sylweddol i'r cyhoedd – Erthygl 9(2)(g) – prosesu sy'n angenrheidiol er budd sylweddol y cyhoedd, ar sail cyfraith Undebol neu aelod-wladwriaeth sy'n gyfraneddol i'r nod, yn parchu hanfod hawliau diogelu data ac yn darparu mesurau addas a phenodol i ddiogelu hawliau sylfaenol a buddion y person y mae'r data amdano.
- Statudol ac ati a dibenion y Llywodraeth
Mae'r ddeddfwriaeth, y rheoliadau a'r canllawiau sylfaenol sy'n ategu hyn yn cynnwys, ond heb eu cyfyngu i:
- Deddf Plant 1989
- Deddf Plant 2004
- Rheoliadau Gwasanaethau Maethu Awdurdodau Lleol (Cymru) 2018
- Deddf Gwasanaethau Cymdeithasol a Llesiant (Cymru) 2014
- Safonau Gofynnol Cenedlaethol ar gyfer Gwasanaethau Maethu
- Deddf Rheoleiddio ac Arolygu Gofal Cymdeithasol (Cymru) 2016
- Gweithdrefnau Amddiffyn Plant Cymru Gyfan
Gan bwy neu o ble rydyn ni'n cael data personol
Byddwn ni’n casglu’r wybodaeth yma gennych chi pan fyddwch chi’n cyflwyno ymholiad neu pan fyddwn ni’n cynnal asesiad cychwynnol yn rhan o ymweliad â’ch cartref.
Gyda phwy rydyn ni'n rhannu data personol?
Dydyn ni ddim yn rhannu eich gwybodaeth gydag unrhyw sefydliadau allanol yn ystod y cam ymholi ac ymweliad cychwynnol. Os ydych chi'n llwyddiannus, byddwch chi'n derbyn gwahoddiad i fwrw ymlaen â'ch cais a byddwn ni'n rhannu eich gwybodaeth â'n Carfan Asesu Rhieni Maeth fewnol. (Mae modd dod o hyd i ragor o wybodaeth mewn perthynas â phwy mae'r Garfan Asesu Rhieni Maeth yn rhannu gwybodaeth â nhw yma)
Prosesyddion Data
Mae proseswr data yn gwmni neu sefydliad sy'n prosesu data personol ar ein rhan. Mae ein proseswyr data yn gweithredu ar ein cyfarwyddyd ni yn unig. Does dim modd iddyn nhw wneud unrhyw beth gyda'r data personol oni bai ein bod ni wedi eu cyfarwyddo nhw i wneud hynny. Fyddan nhw ddim yn rhannu'r data personol ag unrhyw sefydliad ar wahân i ni nac yn eu defnyddio at eu dibenion eu hunain. Byddan nhw'n dal y data yn ddiogel ac yn eu cadw am y cyfnod rydyn ni wedi'u cyfarwyddo i wneud hynny.
Y categori prosesyddion data rydyn ni'n eu defnyddio at ddibenion recriwtio rhieni maeth:
- Systemau TG
Am ba mor hir y byddwn ni'n cadw'r data personol?
Rydyn ni'n cadw'r data personol sydd wedi'u cynnwys yn rhan o gofnodion Recriwtio Rhieni Maeth fel a ganlyn:
|
Hyd
|
Rheswm
|
|
Bydd pob ymholiad, drwy e-bost, hysbysebion cyfryngau cymdeithasol a.y.b - yn cael ei gadw am 3 blynedd.
|
Dibenion Busnes
|
|
Asesiadau Cychwynnol - Byddwn ni’n cadw’ch data personol trwy gydol yr asesiad cychwynnol ac yna byddwn ni’n ei rannu â'r Garfan Asesu Rhieni Maeth er mwyn bwrw ymlaen â'ch cais.
|
Bydd cais maethu llawn yn cael ei gwblhau gan y Garfan Asesu Rhieni Maeth.
|
Yn unol â'r egwyddor storio data sydd wedi'i nodi yn y Rheoliadau Diogelu Data Cyffredinol, mae'r cofnodion yn cael eu hadolygu'n rheolaidd. Dydy'r holl ddata personol ddim yn cael eu cadw. Dim ond data personol sy'n berthnasol rydyn ni'n dal gafael arnyn nhw am y cyfnod cyfan. Caiff unrhyw wybodaeth sy'n amherthnasol yn y tymor hir neu sy'n amherthnasol yn dystiolaethol ei dinistrio yn rhan o arferion busnes arferol.
Eich hawliau'n ymwneud â diogelu data
Mae'r Rheoliadau Diogelu Data Cyffredinol (GDPR) yn rhoi hawliau pwysig i unigolion, gan gynnwys yr hawl i gael gweld data personol mae'r Cyngor yn ei gadw amdanoch chi.
Cliciwch yma i gael rhagor o wybodaeth ynghylch eich hawliau o ran gwybodaeth a sut i'w harfer nhw.
Eich hawl i wneud cwyn i'r Cyngor ynghylch diogelu data
Os oes gyda chi bryder ynghylch y modd mae eich data wedi cael eu defnyddio, mae gyda chi'r hawl i gysylltu â'r Cyngor i godi cwyn.
Mae modd i chi wneud hyn drwy gysylltu â Charfan Recriwtio Rhieni Maeth yn uniongyrchol gan ddefnyddio un o'r dulliau cyfathrebu canlynol. Mae modd datrys y rhan fwyaf o bryderon yn gymharol gyflym trwy alwad ffôn syml neu e-bost.
Trwy e-bost: enquiries@fosterwalesctm.co.uk
Rhif ffôn: 01443 425007
Drwy'r post: Tŷ Catrin, Uned 1, Ystad Ddiwydiannol Hen Lofa'r Maritime, Pontypridd, CF37 1NY
Fel arall, mae modd i chi wneud cwyn ffurfiol trwy Gynllun Adborth Cwsmeriaid y Cyngor gan ddefnyddio'r ddolen ganlynol (Gwneud sylw, canmoliaeth neu gŵyn ar-lein) neu e-bostiwch Swyddog Diogelu Data'r Cyngor: rheoli.gwybodaeth@rctcbc.gov.uk.
Eich hawl i gysylltu â charfan Swyddfa'r Comisiynydd Gwybodaeth i leisio cwyn ynghylch diogelu data
Mae gyda chi'r hawl hefyd i gysylltu â Swyddfa'r Comisiynydd Gwybodaeth (SCG) i godi cwyn os ydych chi'n anfodlon â'r modd rydyn ni wedi defnyddio'ch data. Serch hynny, rydyn ni'n eich annog i gysylltu â ni yn gyntaf a rhoi cyfle i ni ymchwilio i'ch pryder a chywiro pethau.
Mae modd cysylltu â'r SCG fel a ganlyn:
- Cyfeiriad: Swyddfa'r Comisiynydd Gwybodaeth, Wycliffe House, Water Lane, Wilmslow, Swydd Gaer, SK9 5AF
- Rhif y Llinell Gymorth: 0303 123 1113
- Gwefan: https://cy.ico.org.uk/