Hysbysiad Preifatrwydd Dyledion Amrywiol

Efallai bydd tâl yn cael ei godi ar rai o'r nwyddau a'r gwasanaethau mae'r Cyngor yn eu darparu i chi. Er enghraifft, os ydych chi'n rhentu rhandir oddi wrthyn ni neu'n defnyddio ein gwasanaethau gofal.

Pan fydd gwasanaethau'n codi tâl, mae gyda ni ddyletswydd gyfreithiol i adennill y costau yma oddi   wrthych chi. Mae'r rhain yn cael eu galw'n 'Ddyledion Amrywiol'.

Mae gyda'r Cyngor garfan ganolog sy'n gyfrifol am adennill y ffioedd yma ar ran gwasanaethau eraill yn   y Cyngor. Mae rhagor o wybodaeth am sut mae'r cyngor yn defnyddio gwybodaeth bersonol i adennill y costau i'w gweld yn yr hysbysiad yma.

Rydyn ni'n cadw gwybodaeth am gwsmeriaid y gorffennol a'r presennol sy wedi cael gwasanaeth mae modd codi tâl ei gyfer gan y Cyngor.

Bydd y mathau o wybodaeth rydyn ni'n eu cadw a'u prosesu fel arfer yn cynnwys:  

• Manylion cyswllt, gan gynnwys enw, cyfeiriad, rhif ffôn a chyfeiriad e-bost  
• Manylion ariannol fel rhif cyfrif banc os ydych chi'n talu trwy Ddebyd Uniongyrchol  
• Manylion am y gwasanaeth a oedd wedi cael ei ddarparu i chi h.y. dyddiadau'r        gwasanaeth, lleoliad y gwasanaeth  
• Gwariant y cartref os oes gyda chi ôl-ddyledion ac rydych chi wedi gwneud trefniadau talu    arbennig gyda'r Cyngor  
• Manylion am eich cyflogwr ac enillion os oes gyda chi ôl-ddyledion er mwyn gallu adennill      y ddyled yn uniongyrchol o'ch cyflog

Gall yr wybodaeth bersonol rydyn ni'n ei chasglu amdanoch chi ddod o amrywiaeth o ffynonellau gwahanol fel y rhai sy'n cael eu rhestru isod:  

• Gwybodaeth rydych chi wedi'i darparu'n uniongyrchol er enghraifft pan fyddwch chi'n cofrestru am wasanaeth mae modd ailhawlio tâl ar ei gyfer 
•   Gwybodaeth rydyn ni'n ei pharatoi wrth i ni lunio'r anfoneb ac adennill yr arian 
•   Gwybodaeth gan wasanaethau eraill y Cyngor - er mwyn gallu llunio'r anfoneb ac adennill arian 
•   Gwybodaeth sy'n cael ei darparu gan sefydliad trydydd parti dibynadwy yr ydyn ni'n gweithio'n agos gyda nhw neu sy'n darparu gwasanaeth ar ein rhan e.e. Adran Gwaith a   Phensiynau, Asiantaethau Gorfodi, Llysoedd

Byddwn ni'n defnyddio'r wybodaeth bersonol yma i weinyddu a chasglu dyledion amrywiol. Gall hyn gynnwys y canlynol:

•   Llunio'r anfoneb
•   Anfon nodyn atgoffa atoch chi a chymryd camau i adennill yr arian os dydych chi ddim yn talu
•   Gwneud asesiad modd os ydych chi'n cael anhawster talu
•   Adennill unrhyw arian sy'n ddyledus gan ddefnyddio ein pwerau cyfreithiol er enghraifft mynd â chi i'r llys, cyfeirio'r ddyled i'r beilïaid i'w chasglu
•   Cymryd taliadau yn uniongyrchol wrth eich cyflogwr neu eich budd-dal nawdd cymdeithasol lle mae gyda ni orchymyn llys sy'n ein galluogi i wneud hynny
•   Delio â chwynion neu bryderon
•   Adennill arian sy'n ddyledus i chi o wasanaethau eraill y Cyngor

Mae cyfraith Diogelu Data yn dweud ein bod yn gallu defnyddio a rhannu gwybodaeth bersonol lle mae gyda ni resymau priodol a chyfreithlon dros wneud hynny yn unig.

Ein sail gyfreithiol ar gyfer prosesu'r wybodaeth yma at y dibenion uchod yw: 

  
• Ein rhwymedigaeth gyfreithiol o dan Ddeddf Llywodraeth Leol 1972 a Deddf Nawdd Cymdeithasol a Gweinyddu 1992 i brosesu eich gwybodaeth bersonol at ddibenion casglu      dyledion amrywiol a gordaliadau budd-dal tai

O bryd i'w gilydd, byddwn ni'n rhannu eich gwybodaeth bersonol gydag ymgynghorwyr a darparwyr   gwasanaethau fel y gallan nhw ein helpu i gyflawni ein dyletswyddau, ein hawliau a'n disgresiwn wrth ddelio â dyledion amrywiol.

Er enghraifft:

Gwasanaethau Mewnol y Cyngor fel y gallwn ni lunio'r anfoneb ar gyfer y gwasanaeth mae modd ailhawlio tâl ar ei gyfer ac adennill y ddyled.

Asiantaethau a sefydliadau'r llywodraeth fel:

• Gwasanaethau Llys ei Mawrhydi - i adennill dyledion / anfonebau sydd heb eu talu 
•  Adran Gwaith a Phensiynau - i adennill gordaliadau budd-daliadau tai / tynnu arian yn uniongyrchol o fudd-daliadau nawdd cymdeithasol
• Swyddfa'r Cabinet - at ddibenion y Fenter Twyll   Genedlaethol

 Darparwyr Prosesu Taliadau:

• Gwasanaeth Clirio Awtomataidd Bancio (BACS) - i   weinyddu cyfarwyddiadau a thaliadau debyd uniongyrchol

Cyflenwyr a sefydliadau trydydd parti dibynadwy sy'n darparu gwasanaethau ar ein rhan:

• Asiantaethau Gorfodi - (Andrew James Enforcement Ltd, Marston recovery ar hyn o bryd) i orfodi gorchmynion llys am ddyledion sydd heb eu talu
•  Cwmnïau argraffu - (MPS Ltd ar hyn o bryd) i argraffu, pacio a phostio anfonebau a dogfennau dyledwyr

Eraill:

• Eich cyflogwr - i adennill arian sy'n ddyledus yn uniongyrchol wrth eich cyflogwr lle mae Gorchymyn Llys

Byddwn ni'n cadw eich gwybodaeth bersonol am 6 mlynedd o'r dyddiad mae eich dyled yn cael ei   thalu'n llawn at ddibenion gweinyddu ac i ddelio ag unrhyw gwestiynau neu gwynion gallwn ni eu derbyn am hyn. Byddwn ni'n gweithredu fel hyn oni bai bod y gyfraith yn ei gwneud hi'n ofynnol i ni gadw'ch gwybodaeth am ragor o amser.