Bydd yr ysgol, gwerth £12.5m, yn cael ei hadeiladu ar safle presennol Ysgol Gynradd Heol-y-Celyn, gan groesawu disgyblion cyfrwng Cymraeg presennol yr ysgol a'r rhai sy'n mynychu Ysgol Gynradd Gymraeg Pont Siôn Norton.
Bydd yr ysgol yn agor ym mis Medi 2024, ac yn cael ei hariannu yn rhan o fuddsoddiad ehangach gwerth £55m yn ardal Pontypridd drwy Raglen Ysgolion a Cholegau ar gyfer yr 21ain Ganrif Llywodraeth Cymru. ISG yw'r contractwr penodedig ar gyfer y gwaith.
Yn ystod mis Medi a mis Hydref 2021, ymgynghorodd y Cyngor ar gynlluniau ar gyfer yr ysgol newydd, gan roi cyfle i drigolion ddarllen a chynnig sylwadau ar y cynigion. Cafodd achlysur cyhoeddus ei gynnal yn Rhydfelen, a oedd yn gyfle i drigolion siarad â swyddogion a'r contractwr am y cynlluniau.
Bydd yr adborth yn cael ei ddefnyddio yn rhan o gais cynllunio terfynol y Cyngor, i'w gyflwyno maes o law. Yna, bydd y cais yn cael ei drafod yn ffurfiol gan y Pwyllgor Cynllunio a Datblygu.