Mae'r prosiect hwn wedi darparu adeilad ysgol newydd gyda chyfleusterau o'r radd flaenaf ar safle yr ysgol bresennol, sydd wedi disodli'r adeiladau hŷn, dros dro gydag amgylchedd dysgu o'r radd flaenaf
Mae'r buddsoddiad mawr yma i'r gymuned yn cael ei ariannu ar y cyd gan y Cyngor a Llywodraeth Cymru drwy'r Model Buddsoddi Cydfuddiannol, sef ffrwd arian refeniw'r Rhaglen Cymunedau Dysgu Cynaliadwy. Cadarnhawyd y cyllid hwn ym mis Rhagfyr 2022.
Cam Un y broses oedd codi adeilad newydd sbon yr ysgol, a agorodd i staff a disgyblion ym mis Mawrth 2025.
Bydd gan yr adeilad newydd le i 480 o ddisgyblion (yn ogystal â disgyblion y dosbarth meithrin), a bydd yn cynnig amgylchedd o'r radd flaenaf sy'n cynnwys man canolog, ystafelloedd dosbarth y Meithrin hyd at Flwyddyn 6, prif neuadd a mannau ategol. Bydd yr adeilad yn cael ei weithredu'n Garbon Sero Net, gan gydymffurfio ag ymrwymiadau'r Cyngor a Llywodraeth Cymru o ran y Newid yn yr Hinsawdd.
Adeilad ysgol newydd yn barod i groesawu disgyblion Ponty-y-clun ar ôl gwyliau hanner tymor (Chwefror 2025)
Mae’r contractwr adeiladu Morgan Sindall bellach wedi troi at Gam Dau o’r prosiect – sy’n canolbwyntio ar feysydd allanol y datblygiad ehangach. Bydd y gwaith yn symud yr adeiladau ysgol dros dro o'r safle, yn dymchwel pob un o'r hen adeiladau sy'n weddill ac yn sefydlu mannau awyr agored newydd yr ysgol, a fydd yn cynnwys adeiladu Ardal Gemau Aml-ddefnydd â dau gwrt, mannau chwarae â llawr caled a lleoedd parcio.
Mae disgwyl i ail gam y gwaith gael ei gwblhau yn ystod yr hydref, 2025.
Mae'r lluniau yma'n tynnu sylw at y cynnydd sydd wedi'i wneud yn ystod y misoedd diwethaf. Cafodd un ei dynnu ym mis Awst 2024 a'r llall ym mis Chwefror 2024.
Browser does not support script.