Yn dilyn llwyddiant y cynllun mynediad at doiledau cymunedol a busnes yn ystod Eisteddfod Rhondda Cynon Taf, mae'n bleser gan y Cyngor gyhoeddi lansiad Cynllun Toiledau Cymunedol Rhondda Cynon Taf, a datblygiad tudalen we ryngweithiol newydd.
Tai Bach yn Rhondda Cynon Taf – Mae Cyngor Rhondda Cynon Taf yn deall pa mor bwysig yw hi fod cyfleusterau toiledau ar gael i'r cyhoedd eu defnyddio. P'un a ydych chi'n byw yn Rhondda Cynon Taf, neu'n ymweld, rydyn ni am ofalu bod modd i chi ddod o hyd i doiledau'n rhwydd.
Gan weithio mewn partneriaeth â sefydliadau cymunedol a busnesau, rydyn ni wedi creu rhestr o doiledau a chyfleusterau newid sydd ar agor i drigolion ac ymwelwyr eu defnyddio.
Dewch o hyd i doiled yn RCT
Mae'r dudalen we newydd yn cynnwys manylion yr holl doiledau, troethfeydd a thoiledau â mannau newid sydd ar agor i drigolion eu defnyddio ledled Rhondda Cynon Taf, ac mae'n cynnwys cyfarwyddiadau ar sut i gyrraedd y rhain trwy ddolenni Google Map.
Ymunwch â'r Cynllun Toiledau Cymunedol
Os hoffai eich sefydliad gael ei gynnwys yn y cynllun a chaniatáu i'ch cyfleusterau toiled gael eu defnyddio gan y cyhoedd, mae modd i chi gofrestru ar-lein.
Cofrestrwch gan ddefnyddio'r ffurflen ar-lein isod.
Ar ôl i chi gofrestru, a bod eich manylion wedi cael eu prosesu, bydd sticer yn cael ei anfon atoch chi i'w arddangos yn eich safle a byddwch chi'n cael eich ychwanegu at y rhestr ar-lein o gyfleusterau sydd ar agor i'w defnyddio gan y cyhoedd.
Newid eich manylion
Os ydych chi eisoes wedi cofrestru ar gyfer y Cynllun Toiledau Cymunedol ond rydych chi'n dymuno newid eich manylion gan eich bod chi wedi symud neu wedi diweddaru eich cyfleusterau, mae modd i chi wneud hyn drwy lenwi Ffurflen Gwneud Newid - Cynllun Toiledau Cymunedol
Dileu eich manylion o'r Cynllun
Os ydych chi eisoes wedi ymuno â’r Cynllun Toiledau Cymunedol ond rydych chi'n dymuno tynnu eich manylion o'r rhestr, cwblhewch Ffurflen Gadael y Cynllun Toiledau Cymunedol