Bydd llawer o Ŵy-a-sbri yn Amgueddfa Parc Treftadaeth Cwm Rhondda dros wyliau'r Pasg! Dewch draw ddydd Mercher 27 a dydd Iau 28 Mawrth i gymryd rhan ym miri’r Pasg, gan gynnwys:
- Helfa Wyau - archwiliwch safle'r amgueddfa a dod o hyd i wyau mawr Bwni'r Pasg. Ar ôl i chi ddod o hyd iddyn nhw, ewch i orsaf y Bwni i gasglu eich siocled.
- Cartref tanddaearol y Bwni - ewch dan ddaear gynifer o weithiau ag y dymunwch a cherdded trwy gartref tanddaearol Bwni'r Pasg i weld beth allwch chi ddod o hyd iddo.
- Mae cost reidiau ffair i blant bach wedi'i chynnwys yn y tocyn.
- Crefftau'r Pasg - ewch i'r gornel celf a chrefft a bod yn greadigol!
- Fferm Anwesu Anifeiliaid - eleni, mae Bwni'r Pasg wedi dod â rhai o'i ffrindiau i gymryd rhan yn yr hwyl! Ewch ati i anwesu anifeiliaid ciwt a fflwfflyd.
- Diddanwr Plant
Mae tocynnau Ŵy-a-sbri y Pasg yn costio £10 fesul plentyn a £3.50 fesul oedolyn. Bydd tri slot amser ar gael bob dydd, sef 10am-12pm, 12.30pm-2.30pm a 3pm-5pm. Tocynnau ar werth yma nawr
Meddai'r Cynghorydd Ann Crimmings, Aelod o'r Cabinet ar faterion yr Amgylchedd a Hamdden:
Mae achlysur Ŵy-a-sbri yn ffordd wych o ddechrau calendr achlysuron 2024 yn Amgueddfa Parc Treftadaeth Cwm Rhondda. Mae cartref tanddaearol Bwni'r Pasg yn golygu bod yr achlysur yma'n un unigryw, ac mae'r adloniant a'r gornel celf a chrefft yn ffordd wych o fwynhau hwyl y Pasg!
Cadwch lygad ar yr wybodaeth ddiweddaraf ar Facebook ac X trwy ddilyn @rhonddaheritagepark/@rhonddaheritage
Wedi ei bostio ar 06/02/2024