Hysbysiad preifatrwydd mewn perthynas â phrosesu data personol gan Gyngor Bwrdeistref Sirol Rhondda Cynon Taf at ddibenion Cynllun Cynnal y Cynhalwyr.
Rhagarweiniad
Bwriad yr hysbysiad preifatrwydd yma yw darparu gwybodaeth am sut y bydd Cyngor Bwrdeistref Sirol Rhondda Cynon Taf (cyfeirir ato fel 'Cyngor Rhondda Cynon Taf', 'y Cyngor', 'Awdurdod Lleol', 'ni') yn defnyddio (neu 'brosesu') data personol am unigolion at ddibenion Cynllun Cynnal y Cynhalwyr.
Er ein bod ni wedi ceisio gwneud yr hysbysiad preifatrwydd yma mor glir a chryno â phosibl, mae'n bosibl y bydd y categorïau o ddata personol rydyn ni'n eu prosesu yn amrywio yn dibynnu ar y cymorth rydyn ni'n ei ddarparu.
Dylech chi ddarllen yr hysbysiad yma yn ogystal â:
Y Rheolydd Data
Y Cyngor yw'r rheolydd data ar gyfer y data personol a gaiff eu prosesu at ddibenion Cynllun Cynnal y Cynhalwyr.
Mae'r Cyngor wedi'i gofrestru gyda Swyddfa'r Comisiynydd Gwybodaeth fel rheolydd data. Ei gyfeirnod yw Z4870100.
Ymholiadau yn ymwneud â'r hysbysiad preifatrwydd yma
Os oes gyda chi unrhyw gwestiynau neu ymholiadau yn ymwneud â’r hysbysiad preifatrwydd yma, cysylltwch â’r Cynllun Cynnal y Cynhalwyr
drwy e-bostio: cynnalycynhalwyr@rctcbc.gov.uk
drwy ffonio: 01443 281463
Pwy ydyn ni a beth rydyn ni'n ei wneud
Mae Cynllun Cynnal y Cynhalwyr Rhondda Cynon Taf yn darparu gwybodaeth, cyngor a chymorth i gynhalwyr di-dâl sy'n gofalu am rywun sy'n byw yn Rhondda Cynon Taf.
Y mathau o ddata personol rydyn ni'n eu prosesu
Mae’n bosibl y byddwn ni'n prosesu data personol sy’n ymwneud â’r unigolion canlynol;
- Pobl ifainc neu oedolion sydd â dyletswyddau gofalu.
- Unigolion sy'n derbyn gofal.
Y mathau o ddata personol rydyn ni'n eu prosesu
Mae'n bosibl y byddwn ni'n prosesu'r categorïau canlynol o ddata personol i ddarparu cymorth;
- Manylion cyswllt, gan gynnwys enw, cyfeiriad, cod post, cyfeiriad e-bost a rhif ffôn
- Dynodwyr personol fel dyddiad geni, rhif cyfeirnod cynhaliwr System Wybodaeth Gofal Cymunedol Cymru
- Gwybodaeth Ariannol.
- Gwybodaeth feddygol, gan gynnwys eich lles chi neu iechyd y person sy'n derbyn gofal.
- Gwybodaeth ynglŷn â'ch ethnigrwydd neu hîl.
Pam rydyn ni'n prosesu data personol
Rydyn ni'n prosesu'r data personol i ddarparu ein cymorth i chi. Mae'n bosibl y bydd hyn yn cynnwys, ond heb ei gyfyngu i'r gweithgareddau canlynol;
- Prosesu'ch atgyfeiriad.
- Anfon cylchlythyron sy'n cynnig cymorth ar gyfer grantiau, gostyngiadau ar brisiau hamdden ac ati.
- Darparu cyngor, cymorth ac arweiniad.
- Trefnu achlysuron a chyfleoedd hyfforddi.
- Darparu cerdyn argyfwng i gynhalwyr i chi a gwasanaethau llinell bywyd.
- Darparu gofal seibiant
- Darparu gwasanaethau cwnsela a chymorth allanol er enghraifft, Gweithredu dros Blant.
- Ymchwilio i ffyrdd o wella'r gwasanaethau sy’n cael eu darparu i chi.
Ein sail gyfreithlon ar gyfer prosesu'r data personol
O dan y Rheoliadau Diogelu Data Cyffredinol (GDPR), ein sail gyfreithlon ar gyfer prosesu'r data personol ar gyfer Cynllun Cynnal y Cynhalwyr yw;
- Erthygl 6(1)(e) Rheoliadau Diogelu Data Cyffredinol – prosesu sy'n angenrheidiol ar gyfer cyflawni tasg er budd y cyhoedd neu arfer awdurdod swyddogol sydd wedi'i roi i'r rheolwr.
- Erthygl 9(2)(h) Rheoliadau Diogelu Data Cyffredinol - Prosesu sy'n angenrheidiol ar gyfer meddyginiaeth alwedigaethol neu ataliol, i asesu gallu aelod o staff i weithio, diagnosis meddygol, darpariaeth gofal iechyd neu gymdeithasol neu driniaeth neureolaeth o systemau a gwasanaethau gofal iechyd ar sail cyfraith ddomestig neu yn unol â chytundeb â gweithiwr iechyd proffesiynol a'r amodau a threfniadau diogelu sy'n cael eu crybwyll ym mharagraff 3
Mae'r ddeddfwriaeth, y rheoliadau a'r canllawiau sylfaenol sy'n ategu hyn yn cynnwys, ond heb eu cyfyngu i:
- Deddf Gwasanaethau Cymdeithasol a Llesiant (Cymru) 2014
Gan bwy neu o ble rydyn ni'n casglu data personol?
Mae'n bosibl y byddwn ni'n derbyn y data personol gan unigolion neu sefydliadau yn y categorïau canlynol:
- Yn uniongyrchol gennych chi, pan fyddwch chi'n mynychu un o'n hachlysuron neu’n cofrestru ar gyfer cymorth neu gyngor.
- Gan arbenigwyr, fel gweithwyr cymdeithasol, arbenigwyr iechyd, athrawon ac ati.
- O edrych ar eich Cerdyn Adnabod Cynhaliwr sydd wedi’i gadw ar System Wybodaeth Gofal Cymunedol Cymru.
Gyda phwy mae data yn cael eu rhannu?
Mae’n bosibl y byddwn ni'n rhannu'r data personol â’r sefydliadau allweddol canlynol er mwyn trefnu cymorth angenrheidiol ar eich cyfer.
Dim ond y lleiafswm o wybodaeth bersonol sydd ei hangen mewn perthynas â'r diben fydd yn cael ei rhannu.
|
Pwy
|
Diben
|
|
Adrannau Mewnol y Cyngor
- Gwasanaethau Hamdden
- Gwasanaethau Cymdeithasol i Blant ac Oedolion
- Gwasanaeth Llinell Bywyd
|
Darparu’r cymorth a chymorth sydd eu hangen arnoch chi, gan ddibynnu ar eich anghenion penodol.
|
|
Sefydliadau Cwnsela a Hyfforddi
|
Darparu cyfleoedd cwnsela a hyfforddi
|
|
Gweithredu dros Blant
|
Darparu cymorth i bobl ifainc sy'n gynhalwyr.
|
Prosesyddion Data
Mae proseswr data yn gwmni neu sefydliad sy'n prosesu data personol ar ein rhan. Mae ein prosesyddion data yn gweithredu ar ein cyfarwyddyd ni yn unig. Does dim hawl ganddyn nhw i wneud unrhyw beth â’r data personol ac eithrio ein bod ni'n eu cyfarwyddo i wneud hynny. Fyddan nhw ddim yn rhannu'r data personol ag unrhyw sefydliad ar wahân i ni nac yn eu defnyddio at eu dibenion eu hunain. Byddan nhw'n dal y data yn ddiogel ac yn eu cadw am y cyfnod rydyn ni wedi'u cyfarwyddo i wneud hynny.
Dyma'r categorïau o brosesyddion data rydyn ni'n eu defnyddio at ddibenion Cynllun Cynnal y Cynhalwyr:
- Darparwyr Systemau TG - System Wybodaeth Gofal Cymunedol Cymru
Am ba mor hir y byddwn ni'n cadw'r data personol?
Rydyn ni'n cadw'r data personol sydd wedi'u cynnwys yn rhan o'n cofnodion am:
|
Faint o amser
|
Rheswm
|
|
Ffurflenni Atgyfeirio - 8 wythnos
|
Penderfyniad Busnes
|
|
Llythyron, E-byst, Y cymorth sy’n cael ei ddarparu ac ati – wedi’u storio ar System Wybodaeth Gofal Cymunedol Cymru a’u cadw yn unol â pholisi cadw’r Gwasanaethau Cymdeithasol.
|
Penderfyniad busnes
|
Er mwyn dilyn egwyddor storio data Rheoliadau Diogelu Data Cyffredinol, mae'r cofnodion yn cael eu hadolygu'n rheolaidd. Dydy'r holl ddata personol ddim yn cael eu cadw. Dim ond data personol sy'n berthnasol sy'n cael eu cadw am y cyfnod cyfan. Caiff unrhyw wybodaeth sy'n amherthnasol yn y tymor hir neu sy'n amherthnasol yn dystiolaethol ei dinistrio yn rhan o arferion busnes arferol.
Eich hawliau yn ymwneud â diogelu data
Mae'r Rheoliadau Diogelu Data Cyffredinol (GDPR) yn rhoi hawliau pwysig i unigolion, gan gynnwys yr hawl i gael gweld data personol mae'r Cyngor yn eu cadw amdanoch chi.
Cliciwch yma am ragor o wybodaeth am eich hawliau o ran gwybodaeth a sut i'w harfer nhw.
Eich hawl i wneud cwyn i'r Cyngor ynghylch diogelu data
Mae'r hawl gyda chi i gwyno i'r Cyngor os ydych chi o'r farn ein bod ni ddim wedi trin eich data personol yn gyfrifol nac yn unol ag arfer da.
Mae modd i chi wneud hyn drwy gysylltu â'r Cynllun Cynnal y Cynhalwyr yn uniongyrchol drwy un o'r dulliau cyfathrebu canlynol. Mae modd datrys y rhan fwyaf o bryderon yn gymharol gyflym trwy alwad ffôn syml neu e-bost.
drwy e-bostio: cynnalycynhalwyr@rctcbc.gov.uk
Drwy ffonio: 01443 281463
Fel arall, mae modd i chi wneud cwyn ffurfiol trwy Gynllun Adborth Cwsmeriaid y Cyngor gan ddefnyddio'r ddolen ganlynol (Gwneud sylw, canmoliaeth neu gŵyn ar-lein) neu e-bostio Swyddog Diogelu Data'r Cyngor: rheoli.gwybodaeth@rctcbc.gov.uk.
Eich hawl i wneud cwyn i Swyddfa'r Comisiynydd Gwybodaeth ynghylch diogelu data
Mae modd i chi hefyd gwyno i Swyddfa'r Comisiynydd Gwybodaeth os ydych chi'n anfodlon â sut rydyn ni wedi defnyddio'ch data. Serch hynny, rydyn ni'n eich annog chi i gysylltu â ni yn gyntaf a rhoi cyfle i ni ymchwilio i'ch pryder a chywiro pethau.
Mae modd cysylltu â fel a ganlyn:
- Cyfeiriad: Information Commissioner’s Office, Wycliffe House, Water Lane, Wilmslow, Cheshire, SK9 5AF
- Rhif y Llinell Gymorth: 0303 123 1113
- Gwefan: https://www.ico.org.uk