Hysbysiad preifatrwydd mewn perthynas â phrosesu data personol gan Gyngor Bwrdeistref Sirol Rhondda Cynon Taf at ddibenion y Gwasanaeth Cadw'n Iach Gartref.
Cyflwyniad
Bwriad yr hysbysiad preifatrwydd yma yw darparu gwybodaeth am sut y bydd Cyngor Bwrdeistref Sirol Rhondda Cynon Taf (cyfeirir ato fel 'Cyngor Rhondda Cynon Taf', 'y Cyngor', 'Awdurdod Lleol', 'ni') yn defnyddio (neu 'brosesu') data personol am unigolion at ddibenion y Gwasanaeth Cadw'n Iach Gartref.
Dylech chi ddarllen yr hysbysiad yma yn ogystal â:
Y Rheolydd Data
Y Cyngor yw'r rheolwr data ar gyfer y data personol a gaiff eu prosesu at ddibenion y Gwasanaeth Cadw'n Iach Gartref.
Mae'r Cyngor wedi'i gofrestru â Swyddfa'r Comisiynydd Gwybodaeth fel rheolydd. Ei gyfeirnod yw Z4870100.
Ymholiadau yn ymwneud â'r hysbysiad preifatrwydd yma
Os oes gyda chi unrhyw gwestiynau neu ymholiadau yn ymwneud â'r hysbysiad preifatrwydd yma, cysylltwch â'r Gwasanaeth Cadw'n Iach Gartref
Drwy e-bost: gwasanaethaucymdeithasol@rctcbc.gov.uk
Ffôn: 01443 425003
Drwy'r post: Gofal Cymdeithasol i Oedolion, Tŷ Elái, Trewiliam, CF40 1NY
Pwy ydyn ni a beth rydyn ni'n ei wneud
Mae'r Gwasanaeth Cadw'n Iach Gartref yn rhoi cymorth iechyd a gofal cymdeithasol tymor byr i unigolion sy'n mynd i'r Adran Damweiniau ac Achosion Brys neu sy'n cael eu rhyddhau o'r ysbyty yn feddygol iach ond sydd angen cymorth gartref o hyd.
Unwaith y bydd staff yr ysbyty wedi cwblhau asesiad meddygol, gwneir atgyfeiriad i'r garfan a fydd yn gwneud asesiad o'ch anghenion ac yn cydlynu cymorth, a all gynnwys:
- Y Gwasanaeth Gofal yn y Cartref
- Nyrsys Cymuned
- Cymorth gyda meddyginiaeth
- Cludiant a chymorth i ymgartrefu'n ôl yn eich cartref
- Darparu cymhorthion ac addasiadau
- Canllawiau ac atgyfeiriadau at wasanaethau cymunedol eraill
Y mathau o ddata personol rydyn ni'n eu prosesu
Byddwn ni'n prosesu data personol sy’n ymwneud â’r unigolion canlynol os oes atgyfeiriad wedi'i wneud i'r gwasanaeth;
- Defnyddwyr y gwasanaeth
- Aelodau'r teulu / Cynhalwyr / Cynrychiolwyr
Y mathau o ddata personol rydyn ni'n eu prosesu
Mae'r data rydyn ni'n ei brosesu fel arfer yn cynnwys:
- Manylion cyswllt, gan gynnwys enw, cyfeiriad, cod post, rhif ffôn a chyfeiriad e-bost;
- Manylion adnabod personol megis dyddiad geni, rhifau cyfeirnod y GIG a System Wybodaeth Gofal Cymunedol Cymru;
- Ethnigrwydd, Rhywedd a Chrefydd;
- Gwybodaeth ynghylch eich iechyd.
Pam rydyn ni'n prosesu data personol
Rydyn ni'n prosesu'r data personol er mwyn rhoi cymorth i chi. Gall hyn gynnwys y gweithgareddau canlynol ond nid yw'n gyfyngedig iddyn nhw:
- Prosesu eich atgyfeiriad i'r garfan i gael gwell dealltwriaeth o'ch gofynion;
- Cynnal asesiad o'ch anghenion;
- Cwblhau atgyfeiriad i wasanaethau eraill y Cyngor a sefydliadau partner dibynadwy i ddarparu'r cymorth angenrheidiol.
Ein sail gyfreithiol ar gyfer prosesu'r data personol
O dan y Rheoliadau Diogelu Data Cyffredinol (GDPR), ein sail gyfreithlon ar gyfer prosesu'r data personol yw:
- Rhwymedigaeth Gyfreithiol - Erthygl 6(c) Rheoliadau Diogelu Data Cyffredinol – prosesu sy'n angenrheidiol ar gyfer rwymedigaeth gyfreithiol y rheolwr.
- Tasg Gyhoeddus – Erthygl 6 (e) Rheoliadau Diogelu Data Cyffredinol – prosesu sy'n angenrheidiol ar gyfer cyflawni tasg er budd y cyhoedd neu arfer awdurdod swyddogol sydd wedi'i roi i'r rheolwr.
- Gofal Iechyd neu Gymdeithasol - Erthygl 9(2)(h) - prosesu sy'n angenrheidiol ar gyfer meddyginiaeth alwedigaethol neu ataliol, i asesu gallu aelod o staff i weithio, diagnosis meddygol, darpariaeth gofal iechyd neu gymdeithasol neu driniaeth neu reolaeth o systemau a gwasanaethau gofal iechyd ar sail Cyfraith Ddomestig neu yn unol â chytundeb â gweithiwr iechyd proffesiynol a'r amodau a threfniadau diogelu sy'n cael eu crybwyll ym mharagraff 3.
Mae'r ddeddfwriaeth, y rheoliadau a'r canllawiau sylfaenol sy'n ategu hyn yn cynnwys, ond heb eu cyfyngu i:
- Rhan 2 a 9 o Ddeddf Gwasanaethau Cymdeithasol a Llesiant (Cymru) 2014.
Gan bwy neu o ble rydyn ni'n cael data personol
Mae'n bosibl y byddwn ni'n derbyn y data personol gan unigolion neu sefydliadau yn y categorïau canlynol:
- Bwrdd Iechyd Lleol
- Yn uniongyrchol gennych chi neu'ch cynhaliwr wrth gwblhau asesiad o'ch anghenion
- Gwasanaethau eraill y Cyngor neu wasanaethau gan 3ydd partïon dibynadwy
Gyda phwy rydyn ni'n rhannu data personol?
Mae’n bosibl y byddwn ni'n rhannu'r data personol â’r sefydliadau allweddol canlynol gan ddibynnu ar eich anghenion.
Dim ond y lleiafswm o wybodaeth bersonol sydd ei hangen mewn perthynas â'r diben fydd yn cael ei rhannu.
|
Pwy
|
Diben
|
|
Sefydliadau Partner Dibynadwy:
- Cysylltu'r Henoed Morgannwg
- Gofal a Thrwsio Cymru
- Bwrdd Iechyd Lleol
- Cyngor Bwrdeistref Sirol Merthyr Tudful
- Cyngor Bwrdeistref Sirol Pen-y-bont ar Ogwr
|
Er mwyn rhoi'r cymorth sydd ei angen arnoch chi
|
|
Aelodau'r Teulu / Cynhalwyr / Cynrychiolwyr
|
I roi'r wybodaeth ddiweddaraf am eich anghenion gofal a chymorth
|
Proseswyr Data
Mae proseswr data yn gwmni neu sefydliad sy'n prosesu data personol ar ein rhan. Mae ein proseswyr data yn gweithredu ar ein cyfarwyddyd ni yn unig. Does dim modd iddyn nhw wneud unrhyw beth gyda'r data personol oni bai ein bod ni wedi eu cyfarwyddo nhw i wneud hynny. Fyddan nhw ddim yn rhannu'r wybodaeth bersonol ag unrhyw sefydliad ar wahân i ni nac yn ei defnyddio at eu dibenion eu hunain. Byddan nhw'n dal y data yn ddiogel ac yn eu cadw am y cyfnod rydyn ni wedi'u cyfarwyddo i wneud hynny.
Dyma'r categorïau o broseswyr data rydyn ni'n eu defnyddio at ddiben y Gwasanaeth Cadw'n Iach Gartref:
- Darparwyr Systemau TG - System Wybodaeth Gofal Cymunedol Cymru
Am ba mor hir y byddwn ni'n cadw'r data personol?
Rydyn ni'n cadw'r data personol sydd wedi'u cynnwys yn rhan o'n cofnodion y Gwasanaeth Cadw'n Iach Gartref am:
|
Hyd
|
Rheswm
|
|
Bydd atgyfeiriadau i'r gwasanaeth yn cael eu hychwanegu at gronfa ddata electronig a'u cadw o ddyddiad yr atgyfeiriad am 7 blwyddyn ariannol. Bydd fersiynau papur yn cael eu dinistrio unwaith y bydd data wedi'i fewnbynnu i'r gronfa ddata.
|
Gofyniad statudol
|
|
Bydd Asesiadau Unigol ar gyfer unigolion sy'n byw y tu allan i RhCT a Merthyr Tudful yn cael eu cadw am 7 mlynedd.
|
Gofyniad statudol gan y Bwrdd Iechyd Lleol. Nodwch: ers mis Ebrill 2025 mae asesiadau unigol yn cael eu rhoi'n uniongyrchol mewn nodiadau meddygol ac ni chaiff unrhyw gopïau caled eu cadw. Cyn mis Ebrill 2025 roedd asesiadau unigol yn cael eu cadw i system rannu ffeiliau diogel.
|
|
Bydd Asesiad Unigol ar gyfer pobl sy'n byw yn RhCT a Merthyr Tudful yn cael ei gadw ar y system electronig yn unol â chyfnodau cadw statudol.
|
Gofyniad statudol
|
Er mwyn dilyn egwyddor storio data Rheoliadau Diogelu Data Cyffredinol, mae'r cofnodion yn cael eu hadolygu'n rheolaidd. Dydy'r holl ddata personol ddim yn cael eu cadw. Dim ond data personol sy'n berthnasol sy'n cael eu cadw am y cyfnod cyfan. Caiff unrhyw wybodaeth sy'n amherthnasol yn y tymor hir neu sy'n amherthnasol yn dystiolaethol ei dinistrio yn y cwrs busnes arferol.
Eich hawliau'n ymwneud â diogelu data
Mae'r Rheoliadau Diogelu Data Cyffredinol (GDPR) yn rhoi hawliau pwysig i unigolion, gan gynnwys yr hawl i gael gweld data personol mae'r Cyngor yn eu cadw amdanoch chi.
Cliciwch yma i gael rhagor o wybodaeth ynghylch eich hawliau o ran gwybodaeth a sut i'w harfer nhw.
Eich hawl i wneud cwyn i'r Cyngor ynghylch diogelu data
Os oes gyda chi bryder ynghylch y modd mae eich data wedi cael eu defnyddio, mae gyda chi'r hawl i gysylltu â'r Cyngor i godi cwyn.
Mae modd i chi wneud hyn drwy gysylltu â'r Gwasanaeth Cadw'n Iach Gartref yn uniongyrchol drwy un o'r dulliau cyfathrebu canlynol. Mae modd datrys y rhan fwyaf o bryderon yn gymharol gyflym trwy alwad ffôn syml neu e-bost.
Drwy e-bost: gwasanaethaucymdeithasol@rctcbc.gov.uk
Ffôn: 01443 425003
Drwy'r post: Gofal Cymdeithasol i Oedolion, Tŷ Elái, Trewiliam, CF40 1NY
Fel arall, mae modd i chi wneud cwyn ffurfiol trwy Gynllun Adborth Cwsmeriaid y Cyngor gan ddefnyddio'r ddolen ganlynol (Gwneud sylw, canmoliaeth neu gŵyn ar-lein) neu e-bostiwch Swyddog Diogelu Data'r Cyngor: rheoli.gwybodaeth@rctcbc.gov.uk.
Eich hawl i gysylltu â charfan Swyddfa'r Comisiynydd Gwybodaeth i leisio cwyn ynghylch diogelu data
Mae gyda chi'r hawl hefyd i gysylltu â Swyddfa'r Comisiynydd Gwybodaeth (SCG) i godi cwyn os ydych chi'n anfodlon â'r modd rydyn ni wedi defnyddio'ch data. Serch hynny, rydyn ni'n eich annog i gysylltu â ni yn gyntaf a rhoi cyfle i ni ymchwilio i'ch pryder a chywiro pethau.
Mae modd cysylltu â'r SCG fel a ganlyn:
- Cyfeiriad: Information Commissioner’s Office, Wycliffe House, Water Lane, Wilmslow, Cheshire, SK9 5AF
- Rhif y Llinell Gymorth: 0303 123 1113
- Gwefan: https://www.ico.org.uk