Hysbysiad preifatrwydd mewn perthynas â phrosesu data personol gan Gyngor Bwrdeistref Sirol Rhondda Cynon Taf at ddibenion y Gwasanaeth Cymorth yn y Cartref
Cyflwyniad
Bwriad yr hysbysiad preifatrwydd yma yw darparu gwybodaeth am sut y bydd Cyngor Bwrdeistref Sirol Rhondda Cynon Taf (cyfeirir ato fel 'Cyngor Rhondda Cynon Taf', 'y Cyngor', 'Awdurdod Lleol', 'ni') yn defnyddio (neu 'brosesu') data personol am unigolion at ddibenion y Gwasanaeth Cymorth yn y Cartref.
Er ein bod ni wedi ceisio gwneud yr hysbysiad preifatrwydd yma mor glir a chryno â phosibl, mae'n bosibl y bydd y categorïau o ddata personol rydyn ni'n eu prosesu yn amrywio yn dibynnu ar y gwasanaeth rydych chi'n ei gael. Os oes angen rhagor o wybodaeth arnoch chi yn ymwneud â'r gwasanaeth penodol rydych chi'n ei dderbyn, mae croeso i chi gysylltu â ni drwy ddefnyddio'r manylion cyswllt isod.
Dylech chi ddarllen yr hysbysiad yma yn ogystal â:
Y Rheolydd Data
Y Cyngor yw'r rheolwr data ar gyfer y data personol a gaiff eu prosesu at ddibenion y Gwasanaeth Cymorth yn y Cartref.
Mae'r Cyngor wedi'i gofrestru â Swyddfa'r Comisiynydd Gwybodaeth fel rheolydd. Ei gyfeirnod yw Z4870100.
Ymholiadau yn ymwneud â'r hysbysiad preifatrwydd yma
Os oes gyda chi unrhyw gwestiynau neu ymholiadau yn ymwneud â’r hysbysiad preifatrwydd yma, cysylltwch â’r Garfan Cymorth yn y Cartref.
E-bost: CymorthynyCartref@rctcbc.gov.uk
Ffôn: 01443 425071
Pwy ydyn ni a beth rydyn ni'n ei wneud
Mae'r Gwasanaeth Cymorth yn y Cartref wedi'i ddatblygu i helpu pobl i fyw mor annibynnol â phosibl yn eu cartrefi eu hunain.
Efallai bod y bobl rydyn ni'n eu cynorthwyo yn ei chael hi'n anodd rheoli eu hanghenion gofal a chymorth oherwydd anabledd, salwch neu wendid neu oherwydd heneiddio.
Bydd y gwasanaeth yn darparu cymorth i bobl lle bo angen ac yn eu helpu nhw i gynnal a gwella eu hannibyniaeth drwy eu helpu i reoli tasgau byw bob dydd gyda chymaint o annibyniaeth â phosibl.
Mae'r gwasanaeth yn gallu helpu gydag ystod eang o dasgau, gan gynnwys help gyda chodi neu ddychwelyd i'r gwely, help gyda golchi a gwisgo, help amser prydau bwyd a help i deulu a ffrindiau barhau i ddarparu'r gofal a'r cymorth y gallai fod eu hangen ar bobl.
Mae ystod o wasanaethau ar gael, ac mae pob un wedi'i egluro isod:
Y Gwasanaeth Adfer
Mae'r Gwasanaeth Adfer yn gweithio i hyrwyddo annibyniaeth drwy annog pobl i ddysgu neu ailgydio mewn sgiliau byw sylfaenol. Mae'r gwasanaeth yma ar gael am gyfnod byr (hyd at 6 wythnos). Os oes angen cefnogaeth barhaus, byddwn ni'n edrych ar ddewisiadau cymorth amgen tymor hwy.
Gan ddefnyddio dull galluogi, mae'r gwasanaeth yn darparu cymorth gyda byw o ddydd i ddydd, gan roi cymorth, anogaeth a goruchwyliaeth gyda thasgau.
Prif nod y gwasanaethau yw helpu defnyddwyr ein gwasanaeth i aros mor annibynnol â phosibl yn eu cartrefi eu hunain.
Gofal Ychwanegol (Cwrt Yr Orsaf)
Mae Gofal Ychwanegol yn cynnig llety byw annibynnol modern, pwrpasol i bobl 50 oed a hŷn sydd ag anghenion gofal a chymorth wedi'u hasesu.
Mae'n darparu cymorth 24 awr y dydd ar gyfer materion sy'n ymwneud â thai a gofal brys dros nos, gan ymateb i anghenion newidiol poblogaeth sy'n heneiddio a helpu tenantiaid i aros mor annibynnol â phosibl yn eu cartrefi eu hunain.
Mae modd i dai gofal ychwanegol fod yn ddewis arall yn lle gofal preswyl ac maen nhw'n gallu darparu ‘cartref am oes’ i lawer o bobl wrth i’w hanghenion newid dros amser.
Gwasanaeth Ymatebwyr Symudol
Mae ein Gwasanaeth Ymatebwyr yn wasanaeth mewnol y Cyngor sy'n ymateb i atgyfeiriadau gan ein carfan Gwifren Achub Bywyd a'r Meddygon Teulu yn yr Hwb Llywio, sy'n cael ei weithredu gan Fwrdd Iechyd Prifysgol Cwm Taf Morgannwg. Mae'r meddyg teulu yn atgyfeirio defnyddwyr gwasanaeth sydd wedi gofyn am ambiwlans, fel arfer yn dilyn cwymp neu ddigwyddiad tebyg.
Mae ymatebwyr yn mynd i'r lleoliad, yn rhoi cymorth gan ddefnyddio offer codi priodol, ac yn cynnal asesiad i benderfynu a fyddai o fudd i'r unigolyn gael mynediad at wasanaethau cymorth ychwanegol.
Nod y gwasanaeth yw lleihau galwadau diangen am ambiwlansys a derbyniadau mae modd eu hosgoi i'r Adran Damweiniau ac Achosion Brys.
Y mathau o ddata personol rydyn ni'n eu prosesu
Efallai y byddwn ni'n prosesu data personol mewn perthynas â'r unigolion canlynol i ddarparu ein Gwasanaeth Cymorth yn y Cartref:
- Defnyddwyr y Gwasanaeth Cymorth yn y Cartref
- Teulu a ffrindiau'r sawl sy'n defnyddio'r Gwasanaeth Cymorth yn y Cartref
Y mathau o ddata personol rydyn ni'n eu prosesu
Mae'n bosibl y byddwn ni'n prosesu'r categorïau canlynol o ddata personol i ddarparu'r Gwasanaeth Cymorth yn y Cartref:
- Enw, cyfeiriad, dyddiad geni, rhif ffôn a chyfeiriad e-bost.
- Enw, cyfeiriad a manylion cyswllt aelodau'r teulu a ffrindiau - sy'n ymwneud â gofal o ddydd i ddydd.
- Enw, cyfeiriad a manylion cyswllt y Meddyg Teulu
- Manylion am anghenion gofal a chymorth a sut y dylai'r rhain gael eu diwallu.
- Manylion am y cymorth a'r cynhorthwy sydd eu hangen i gynnal neu wella annibyniaeth, diogelwch a lles.
- Manylion canlyniadau unrhyw asesiadau risg a chodi a chario sydd wedi'u cynnal.
- Manylion am unrhyw anawsterau a allai fod wedi bod gennych chi, eich cynhalwyr (gofalwyr) neu ein staff wrth ddiwallu eich anghenion.
- Manylion am unrhyw ddamweiniau a digwyddiadau sydd wedi digwydd pan oedd ein staff yn diwallu eich anghenion.
Er mwyn sicrhau bod gennym ni'r ddealltwriaeth o'ch holl anghenion, efallai y bydd yn rhaid i ni ofyn i chi, eich teulu a gweithwyr gofal iechyd a chymdeithasol proffesiynol eraill am wybodaeth bersonol a sensitif iawn am eich:
- Anabledd, cyflwr neu salwch
- Golwg, clyw ac anghenion cyfathrebu
- Anghenion o ran ymataliaeth
- Iechyd meddwl a gwybyddiaeth
- Symudedd, deheurwydd a'r angen am gymhorthion ac offer
- Eich anghenion o ran meddyginiaeth
- Gofynion a dewisiadau dietegol (os yw'n briodol)
- Diddordebau cymdeithasol, anghenion crefyddol a diwylliannol (os yw'n addas)
- Cartref a sut mae'n diwallu eich anghenion
- Cyfranogiad eich teulu a sut maen nhw'n eich cefnogi chi.
Bydd copi o'ch Cynllun Cyflenwi Gwasanaeth yn cael ei storio yn eich ffeil bersonol a fydd yn cael ei chadw yn eich cartref. Bydd staff yn defnyddio eich ffeil i gofnodi sut maen nhw wedi diwallu eich anghenion ac unrhyw anawsterau a allai fod wedi bod ganddyn nhw wrth ddiwallu'r anghenion hynny.
Byddwn ni hefyd yn cadw cofnod o'n cysylltiad â chi, eich teulu a sefydliadau eraill sy'n ymwneud â rhoi cymorth i chi ar ein system gyfrifiadurol.
Pam rydyn ni'n prosesu data personol
Rydyn ni'n prosesu'r data personol i ddarparu'r Gwasanaeth Cymorth yn y Cartref. Mae'n bosibl y bydd hyn yn cynnwys, ond heb ei gyfyngu i'r gweithgareddau canlynol:
- Cynnal asesiadau i sefydlu pa wasanaethau a fydd o fudd i chi
- Darparu Gwasanaethau Cymorth yn dibynnu ar eich anghenion
- Cofnodi gwybodaeth yn eich asesiad a'ch cynllun darparu gwasanaeth
- Adolygu sut mae'r gwasanaeth wedi diwallu eich anghenion a sicrhau eich bod chi'n fodlon ar y gwasanaeth rydyn ni'n ei ddarparu
- Eich atgyfeirio at wasanaethau eraill y Cyngor yn ôl eich anghenion.
Ein sail gyfreithiol ar gyfer prosesu'r data personol
O dan y Rheoliadau Diogelu Data Cyffredinol (GDPR), ein sail gyfreithlon ar gyfer prosesu'r data personol ar gyfer y Gwasanaeth Cymorth yn y Cartref yw:
- Rhwymedigaeth Gyfreithiol (c) – prosesu sy'n angenrheidiol ar gyfer rwymedigaeth gyfreithiol sydd wedi'i rhoi i'r rheolwr.
- Tasg Gyhoeddus – Erthygl 6 (e) – prosesu sy'n angenrheidiol ar gyfer cyflawni tasg er budd y cyhoedd neu arfer awdurdod swyddogol sydd wedi'i roi i'r rheolwr.
- Budd sylweddol i'r cyhoedd - Erthygl 9 (2) (g) - prosesu sy'n angenrheidiol er budd sylweddol y cyhoedd, ar sail cyfraith Undebol neu aelod-wladwriaeth sy'n gyfraneddol i'r nod, yn parchu hanfod hawliau diogelu data ac yn darparu mesurau addas a phenodol i ddiogelu hawliau sylfaenol a buddion y person y mae'r data amdano.
Mae'r ddeddfwriaeth, y rheoliadau a'r canllawiau sylfaenol sy'n ategu hyn yn cynnwys, ond heb eu cyfyngu i:
- Deddf Diogelu Data 2018
- Dyletswydd cyfrinachedd o dan y gyfraith gyffredin
- Deddf Gwasanaethau Cymdeithasol a Llesiant (Cymru) 2014
- Deddf Galluedd Meddyliol 2005
- Deddf Safonau Gofal 2000
- Deddf Rheoleiddio ac Arolygu Gofal Cymdeithasol (Cymru) 2016
Gan bwy neu o ble rydyn ni'n cael data personol
Mae'n bosibl y byddwn ni'n derbyn y data personol gan unigolion neu sefydliadau yn y categorïau canlynol:
- Asesiadau sydd wedi'u cynnal
- Eich teulu a'ch ffrindiau
- Gweithwyr meddygol proffesiynol sy'n ymwneud â'ch gofal
- Adrannau eraill y Cyngor
Gyda phwy rydyn ni'n rhannu'r data personol?
Mae'n bosibl y byddwn ni'n rhannu data personol gyda'r sefydliadau allweddol canlynol i ddarparu'r Gwasanaeth Cymorth yn y Cartref:
Dim ond y lleiafswm o wybodaeth bersonol sydd ei hangen mewn perthynas â'r diben fydd yn cael ei rhannu.
|
Pwy
|
Diben
|
|
Adrannau eraill y Cyngor
|
Er mwyn sicrhau eich bod chi'n cael y Gwasanaeth gorau ar gyfer eich anghenion.
|
|
Darparwyr gofal
|
Er mwyn sicrhau bod darparwyr gofal yn gwybod beth yw eich anghenion a pha wasanaethau y mae gennych chi hawl iddyn nhw.
|
|
Bwrdd Iechyd – Meddyg Teulu/ Ymgynghorwyr/ Nyrs ac ati.
|
Er mwyn sicrhau bod eich anghenion iechyd yn cael eu diwallu.
I ofyn am wybodaeth er mwyn asesu eich anghenion yn drylwyr.
|
|
Llywodraeth Cymru
|
Ar gyfer adolygiad gwasanaeth.
Er mwyn i Lywodraeth Cymru sicrhau ein bod ni'n darparu'r gwasanaeth i'r safon ddisgwyliedig.
|
|
Landlordiaid Cymdeithasol
|
Er mwyn sicrhau bod Defnyddwyr Gwasanaeth sy'n byw mewn eiddo sy'n eiddo i Landlordiaid Cymdeithasol, h.y. cyfleusterau Gofal Ychwanegol ac ati, yn derbyn y gwasanaethau cywir.
I gynnal asesiadau ar yr angen am dai ac ati.
|
Proseswyr Data
Mae proseswr data yn gwmni neu sefydliad sy'n prosesu data personol ar ein rhan. Mae ein proseswyr data yn gweithredu ar ein cyfarwyddyd ni yn unig. Does dim modd iddyn nhw wneud unrhyw beth gyda'r data personol oni bai ein bod ni wedi eu cyfarwyddo nhw i wneud hynny. Fyddan nhw ddim yn rhannu'r wybodaeth bersonol ag unrhyw sefydliad ar wahân i ni nac yn ei defnyddio at eu dibenion eu hunain. Byddan nhw'n dal y data yn ddiogel ac yn eu cadw am y cyfnod rydyn ni wedi'u cyfarwyddo i wneud hynny.
Dyma'r categorïau o broseswyr data rydyn ni'n eu defnyddio at ddiben y Gwasanaeth Cymorth yn y Cartref:
- Darparwyr Systemau TG, ac ati
Am ba mor hir y byddwn ni'n cadw'r data personol?
Rydyn ni'n cadw'r data personol sydd wedi'u cynnwys yn rhan o'n cofnodion Cymorth yn y Cartref am:
|
Hyd
|
Rheswm
|
|
10 mlynedd o ddiwedd gofal
|
Arfer Busnes Da
|
Er mwyn dilyn egwyddor storio data Rheoliadau Diogelu Data Cyffredinol, mae'r cofnodion yn cael eu hadolygu'n rheolaidd. Dydy'r holl ddata personol ddim yn cael eu cadw. Dim ond data personol sy'n berthnasol sy'n cael eu cadw am y cyfnod cyfan. Caiff unrhyw wybodaeth sy'n amherthnasol yn y tymor hir neu sy'n amherthnasol yn dystiolaethol ei dinistrio yn y cwrs busnes arferol.
Eich hawliau o ran diogelu data
Mae'r Rheoliadau Diogelu Data Cyffredinol (GDPR) yn rhoi hawliau pwysig i unigolion, gan gynnwys yr hawl i gael gweld data personol mae'r Cyngor yn eu cadw amdanoch chi.
Cliciwch yma i gael rhagor o wybodaeth ynghylch eich hawliau o ran gwybodaeth a sut i'w harfer nhw.
Eich hawl i wneud cwyn i'r Cyngor ynghylch diogelu data
Os oes gyda chi bryder ynghylch y modd mae eich data wedi cael eu defnyddio, mae gyda chi'r hawl i gysylltu â'r Cyngor i godi cwyn.
Mae modd i chi wneud hyn drwy gysylltu â'r Gwasanaeth Cymorth yn y Cartref yn uniongyrchol drwy un o'r dulliau cyfathrebu canlynol. Mae modd datrys y rhan fwyaf o bryderon yn gymharol gyflym trwy alwad ffôn syml neu e-bost.
- E-bost: CymorthynyCartref@rctcbc.gov.uk
- Ffôn: 01443 425071
Fel arall, mae modd i chi wneud cwyn ffurfiol trwy Gynllun Adborth Cwsmeriaid y Cyngor gan ddefnyddio'r ddolen ganlynol (Gwneud sylw, canmoliaeth neu gŵyn ar-lein) neu e-bostiwch Swyddog Diogelu Data'r Cyngor: rheoli.gwybodaeth@rctcbc.gov.uk.
Eich hawl i gysylltu â charfan Swyddfa'r Comisiynydd Gwybodaeth i leisio cwyn ynghylch diogelu data
Mae gyda chi'r hawl hefyd i gysylltu â Swyddfa'r Comisiynydd Gwybodaeth (SCG) i godi cwyn os ydych chi'n anfodlon â'r modd rydyn ni wedi defnyddio'ch data. Serch hynny, rydyn ni'n eich annog i gysylltu â ni yn gyntaf a rhoi cyfle i ni ymchwilio i'ch pryder a chywiro pethau.
Mae modd cysylltu â'r SCG fel a ganlyn:
- Cyfeiriad: Information Commissioner’s Office, Wycliffe House, Water Lane, Wilmslow, Cheshire, SK9 5AF
- Rhif y Llinell Gymorth: 0303 123 1113
- Gwefan: https://cy.ico.org.uk/