Ymgynghoriad ar y Gyllideb 2019/20

A chyda setliad dros dro oddi wrth Lywodraeth Cymru sy'n well na'r disgwyl, ynghyd â dull rhagweithiol y Cyngor o fynd ati yn nhermau rheoli'i faterion ariannol, mae'r bwlch amcangyfrifedig yn y gyllideb o dros £18 miliwn bellach wedi'i leihau i tua £3.8 miliwn.

Bu raid i Gyngor Rhondda Cynon Taf arbed dros £100 miliwn o'i gyllideb refeniw ers 2011 oherwydd gostyngiadau i arian y sector cyhoeddus.

Mae gan y Cyngor bum blaenoriaeth ar gyfer y dyfodol.  Hoffen ni glywed eich barn amdanyn nhw:

Digidoleiddio – creu gwasanaethau trwy ddatblygu gweithlu ystwyth a chynyddu cyfleoedd i drigolion gyfathrebu â ni ar-lein.

Atal ac ymyrraeth gynnar – buddsoddi mewn gwasanaethau sy'n ein galluogi ni i ddatrys materion cyn iddyn nhw waethygu.

Masnacheiddio – cynnig rhai o'n gwasanaethau ni ar sail fasnachol i leihau effaith cwtogi ar y gyllideb.

Effeithlonrwydd – parhau i sicrhau arbedion effeithlonrwydd gwerth miliynau o bunnoedd bob blwyddyn – dros y blynyddoedd diwethaf rydyn ni wedi arbed dros £60 miliwn drwy wneud hyn.

Annibyniaeth – buddsoddi mewn gwasanaethau yn y gymuned a fydd yn helpu unigolion a chyplau i barhau i fyw'n annibynnol.

Gwyliwch ein fideo isod i gael rhagor o wybodaeth am gyllideb y Cyngor a'r pum blaenoriaeth.

Yn ôl y gyfraith, mae rhaid i'r Cyngor bennu cyllideb gytbwys.  Hoffen ni glywed eich barn chi ynglŷn â sut dylen ni wneud hynny, ac mae sawl ffordd i chi wneud hynny. 

Efelychydd Cyllideb Ar-lein

Yn ôl y gyfraith, mae rhaid i'r Cyngor bennu cyllideb gytbwys bob blwyddyn. Mae'r efelychydd cyllideb yn gyfle i chi fantoli'r gyllideb yn y ffordd fwyaf addas yn unol â'ch barn a'ch dewisiadau chi. Mae’r teclyn yma yn hawdd ei ddefnyddio, ac yn rhoi’r cyfle, a chithau’n gynnes glyd gartref, i gyflwyno’ch syniadau o ran siapio cyllideb y flwyddyn nesaf.

Mae'n bosibl, er enghraifft, byddwch chi am sicrhau arbedion ym maes hamdden er mwyn caniatáu rhagor o wariant ym maes addysg. Mae'r efelychydd cyllideb yn caniatáu i chi wneud hynny, a byddwch chi bob tro yn gweld pa mor bell mae rhaid i chi fynd er mwyn pennu cyllideb gyfreithiol gytbwys. Cliciwch isod o gymryd rhan yn yr ymgynghoriad.

Arolwg Ar-lein

Mae'r arolwg ar-lein yn gofyn cwestiynau i chi ar flaenoriaethau'r Cyngor, ardaloedd buddsoddi a Threth y Cyngor.

Achlysuron Ymgysylltu â'r Cyhoedd

Galwch heibio i un o’n sesiynau i’r cyhoedd, lle byddwch chi’n siarad wyneb-i-wyneb ag Aelodau o’r Cabinet i drafod yr elfennau o’r gyllideb sy’n bwysicaf i chi.  Mae’r achlysuron yma yn rhoi cyfle o siarad â’r Cabinet yn uniongyrchol ac i gyfrannu at lywio’r penderfyniadau ynghylch cyllideb y flwyddyn nesaf.  Mae’r sesiynau yma’n hynod boblogaidd, felly cofiwch gadw’ch lle chi AM DDIMi osgoi siom.

Dyma fanylion y sesiynau:

Sioeau Teithiol

Byddwn ni'n dod i'ch ardal chi yn rhan o'r broses ymgynghori! Trwy gydol y cyfnod ymgynghori bydd y garfan ar draws ac ar hyd yr ardal yn clywed sut byddech chi eisiau i ni wario cyllideb y flwyddyn nesaf. Galwch heibio i ddweud 'shw mae' a chymryd rhan yn y mannau isod:

*Cafodd yr achlysuron yma eu canslo ar 11 Rhagfyr oherwydd y tywydd garw. Erbyn hyn, rydyn ni wedi'u had-drefnu.