Mae RhCT Gyda'n Gilydd yn gweithio gyda busnesau a chorfforaethau sy'n gwerthfawrogi cymunedau ar draws. Rhondda Cynon Taf a'r cyfraniad ystyrlon y mae grwpiau a sefydliadau yn y gymuned yn ei wneud yn lleol.
Prosiectau sydd wedi'u noddi gan EEM:
Defnyddiwyd cyllid i sefydlu clwb brecwast â chymhorthdal ac mae croeso i bobl o bob oed fynd yno i fwynhau pryd o fwyd boreol gyda'i gilydd tra'n meithrin cysylltiadau cymdeithasol. Mae’r prosiect wedi’i gynllunio i fynd i’r afael ag arwahanrwydd cymdeithasol ac unigrwydd ochr yn ochr â chreu cysylltiadau rhwng cenedlaethau. Mae brecwastau poeth gyda thost, te a choffi ar gael am dâl bychan gyda chyfle i'w "dalu ymlaen" os dymunir.
Mae cyllid wedi cefnogi datblygiad a thwf pellach y Clwb Iechyd a Lles. Mae’r prosiect yn mynd i’r afael ag arwahanrwydd ac unigrwydd gan gynnig lle cynnes, cyfeillgar ac anfeirniadol i bobl ddod i wneud ffrindiau tra’n cymryd rhan mewn amrywiaeth o weithgareddau gan gynnwys crefftau, ymarfer corff, coginio, garddio a chanu. Mae'r clwb am ddim i'w fynychu ac yn hygyrch i bawb. Mae'r sesiynau'n digwydd ddwywaith yr wythnos.
Mae cyllid wedi caniatáu i'r sefydliad yma gynnal amrywiaeth o weithdai crefft tymhorol a Nadoligaidd sy'n ymgysylltu â'r gymuned leol, gan feithrin creadigrwydd a chysylltiadau cymdeithasol. Mae’r gweithdai’n dathlu traddodiadau diwylliannol sy’n gysylltiedig â’r tymhorau gan roi cyfleoedd i bobl leol o bob oed ddod at ei gilydd i ddysgu sgiliau newydd. Trwy weithgareddau ymarferol mae cyfle i gyfranogwyr gryfhau cysylltiadau yn y gymuned wrth archwilio eu potensial artistig.