Mae hunanofal yn hanfodol er mwyn sicrhau bod ein lles ni'n cael ei gynnal. Serch hynny, mae ymyriadau eraill ar gael er mwyn cynnig cefnogaeth bellach i gryfhau'n lles pan fo angen. Cliciwch yma er mwyn gweld ein llyfryn lles, sy'n cynnwys rhagor o fanylion yn ymwneud â hunanofal a lles staff.
Mae'n hasesiad lles wedi'i gynllunio i sicrhau'r ffurf fwyaf addas ac effeithiol o gael cymorth ac ymyrraeth cyn gynted â phosibl. Yn rhan o'ch asesiad, cewch chi'r cyfle i siarad â gweithiwr proffesiynol am gyflwr eich iechyd meddwl, a thrafod sut mae'n effeithio ar eich lles pan rydych chi yn y gwaith. Bydd y gweithiwr proffesiynol yn siarad â chi er mwyn argymell y camau nesaf i'w cymryd.
Bydd rhai yn elwa o siarad â rhywun yn unig, a fydd dim angen ymyrraeth bellach. Ond efallai bydd eraill yn elwa o'r ymyrraeth ychwanegol sydd ar gael, er enghraifft cwnsela, hyfforddi neu ymyrraeth benodol fel cymorth i roi'r gorau i ddefnyddio cyffuriau ac alcohol.
Mae modd i reolwyr neu'r garfan adnoddau dynol wneud atgyfeiriad fel bod aelod o staff yn derbyn asesiad lles. Hefyd, mae modd i staff hunanatgyfeirio ar gyfer asesiadau lles os yw'n well gyda nhw wneud hynny.
Mae'r hunanatgyfeiriad yn gyfrinachol a DYDY'R Uned Iechyd Galwedigaethol byth yn rhannu'ch gwybodaeth bersonol gyda'ch rheolwr neu'r Adran Adnoddau Dynol.
Er mwyn hunanatgyfeirio ar gyfer asesiad lles, e-bostiwch LlinellGymorth@rctcbc.gov.uk neu ffoniwch 01443 424100.