Canolfannau Seremonïau - Prisiau a Chadw Lle

Mae modd cynnal y seremonïau yma yn y Swyddfa Gofrestru, sydd â’i chanolfan yng nghanol tref hanesyddol Pontypridd, neu yn un o westai gwledig ledled y fwrdeistref sirol.

Swyddfa Gofrestru Pontypridd – Ystafelloedd sydd ar gael i'w llogi

Mae modd dewis o blith 3 o ystafelloedd sy wedi’u haddurno’n chwaethus yn Swyddfa Gofrestru Pontypridd.

Swyddfa Gofrestru Rhondda Cynon Taf

• Mae modd llogi’r ystafell yma o ddydd Llun i ddydd Sadwrn.
• Mae lle i 10 o westeion.

Ystafell Evan James

• Mae Ystafell Evan James ar gael i’w llogi o ddydd Llun i ddydd Sadwrn.
• Mae lle i 45 o westeion.

Y Siambr Ddinesig

• Caiff seremonïau dinasyddiaeth eu cynnal yn y Siambr Ddinesig. Rhaid cael gwahoddiad i’r seremonïau. Dydyn nhw ddim ar agor i’r cyhoedd.
• Noder: I gadw lle ac amser ar gyfer eich seremoni, mae rhaid talu blaendal. Does dim modd ad-dalu’r arian yma.

Yn anffodus, does dim cyfleusterau parcio ar gael y tu allan i'r Swyddfa Gofrestru. Er hynny, mae maes parcio mawr yn yr ‘Iard Nwyddau’ gerllaw (y tu ôl i'r orsaf fysiau). 

Canolfannau cymeradwy ar gyfer seremonïau

Mae nifer o Ganolfannau sy wedi’u Cymeradwyo ar gyfer cynnal Priodasau, Seremonïau Sifil a Seremonïau Enwi i’w cael yn Rhondda Cynon Taf.  Yn ôl y gyfraith, mae modd i’n Swyddogion Cofrestru gynnal seremonïau yn y canolfannau yma.

Gan weithredu o'r 1 Ionawr 2014, mae Cyngor Bwrdeistref Sirol Rhondda Cynon Taf trwy hyn yn hysbysu y bydd y Swyddfa Gofrestru'n cynnig yr ystafelloedd canlynol yn fangre ar gyfer gweinyddu priodasau yn unol ag adran 26(1)(bb) o Ddeddf Priodasau 1949 ac adran 6(3A)(a) o Ddeddf Partneriaethau Sifil 2004.

Mae modd archwilio'r cais a'r cynlluniau ar gyfer y fangre yn y Swyddfa Gofrestru, Adeiladau'r Cyngor, Heol Gelliwastad, Pontypridd, rhwng 9.30am a 4pm, o ddydd Llun i ddydd Gwener.

• Parc Gwledig Cwm Dâr
• Clwb Golff Pontypridd
• Gwesty’r Rhondda Heritage Park
• The Old Rectory & Gardens Llanilid
• Gwesty Gwledig y Tŷ Newydd
• Lanelay Hall
• The Boars Head, Talygarn
• Neuadd y Dref, Llantrisant  

Os byddwch chi’n penderfynu priodi yn un o’n Mangreoedd sy wedi’u Cymeradwyo, mae gofyn eich bod chi’n cysylltu â’r ganolfan o’ch dewis i wneud trefniadau dros dro gyda’r swyddog sydd â chyfrifoldeb.

Mae’n rhaid i chi gadarnhau’r trefniadau yma gyda’r Cofrestrydd Arolygol yn Swyddfa Gofrestru Pontypridd, i ofalu bod swyddogion cofrestru ar gael ar y diwrnod, i gynnal y seremoni a chofrestru’r briodas.

Ffioedd perthnasol ar gyfer seremoni mewn canolfannau cymeradwy

Am ragor o wybodaeth am yr uchod, cysylltwch â ni: