Gwerthoedd a Gweledigaeth – Gwasanaethau i Blant Rhondda Cynon Taf

Datganiad Gweledigaeth

Yn Rhondda Cynon Taf, rydyn ni eisiau sicrhau bod yr holl blant a phobl ifainc yn cael y dechrau gorau mewn bywyd a bod modd iddyn nhw ddysgu a thyfu'n ddiogel. Yn y Gwasanaethau i Blant, rydyn ni'n cydnabod bod angen cymorth ychwanegol ar blant a theuluoedd i gyflawni hyn weithiau.  Gan sefydlu perthnasoedd yn seiliedig ar ein gwerthoedd, rydyn ni'n gweithio ochr yn ochr â phlant a theuluoedd, wrth adeiladu ar gryfderau i alluogi newid cadarnhaol a blaenoriaethu ein rôl yn cadw plant yn ddiogel.

Datganiad Gwerthoedd

• Teulu: Rydyn ni'n hyrwyddo hawl plant i fywyd teuluol. Byddwn ni bob amser yn gweithio yn ôl ethos 'teulu yn gyntaf' ac yn meddwl yn eang am yr hyn y gallai teulu ei olygu i blentyn.
• Cymorth: Rydyn ni'n cefnogi teuluoedd i dderbyn y cymorth sydd ei angen pan mae ei angen. Rydyn ni'n rhoi rhagor o gymorth, neu weithiau'n rhoi llai o gymorth, ond dydyn ni ddim yn camu i ffwrdd yn rhy fuan.
• Parch: Rydyn ni'n parchu unigoliaeth unigryw pawb ynghyd â'u hamgylchiadau a dewisiadau, ac yn sicrhau bod pobl ifainc a'u teuluoedd yn rhan o'n gwaith a phenderfyniadau sy'n ymwneud â'u bywydau ac amgylchiadau.
• Tosturi: Wrth fynd ati i roi cymorth, rydyn ni'n defnyddio dull sydd wedi'i lywio gan drawma, yn blaenoriaethu empathi a meithrin perthnasoedd cadarn wrth weithio gyda phlant a theuluoedd.
• Cryfderau teuluoedd a diogelu: gallai hynny olygu gweithio gyda theuluoedd er mwyn nodi deilliannau maen nhw am eu cyflawni, adeiladu ar gryfderau a gweithio i leihau peryglon.
• Sefydlogrwydd: Rydyn ni'n hyrwyddo sefydlogrwydd ar gyfer pobl ifainc sy'n derbyn cymorth ac yn deall y bydd angen cymorth arbenigol arnyn nhw.
• Balchder: Rydyn ni'n falch iawn o gyflawniadau'r bobl rydyn ni'n gofalu amdanyn nhw a'r gwaith rydyn ni'n ei gyflawni gyda nhw.
• Gwella: Rydyn ni'n chwilfrydig am ba mor effeithiol yw ein gwaith ni – rydyn ni'n deall yr effaith a bob tro'n barod i wella ac arloesi.