Cafodd Cydbwyllgor Trosolwg a Chraffu Bwrdd Gwasanaethau Cyhoeddus Cwm Taf ei sefydlu ym mis Mai 2023 i gynrychioli'r strwythur rhanbarthol newydd. Mae Cydbwyllgor Cwm Taf Morgannwg yn cynnwys aelodau etholedig ac aelodau nad ydyn nhw'n rhai gwleidyddol o awdurdodau lleol Rhondda Cynon Taf, Merthyr Tudful a Phen-y-bont ar Ogwr.
Mae'r Cydbwyllgor Trosolwg a Chraffu wedi'i sefydlu yn unol â'r ddeddfwriaeth ganlynol
- Mesur Llywodraeth Leol (Cymru) 2011 (Adran 58 – Cydbwyllgorau Trosolwg a Chraffu);
- Rheoliadau Awdurdodau Lleol (Cydbwyllgorau Trosolwg a Chraffu) (Cymru) 2013; a
- Deddf Llesiant Cenedlaethau'r Dyfodol (Cymru) 2015 (Rhan 4, Pennod 1, Adran 35 – Pwyllgor trosolwg a chraffu awdurdod lleol).
Nod y Cydbwyllgor Trosolwg a Chraffu yw craffu ar effeithiolrwydd cyffredinol Cydbwyllgor Trosolwg a Chraffu Bwrdd Gwasanaethau Cyhoeddus Cwm Taf Morgannwg (y Bwrdd). Swyddogaethau statudol craidd y Cydbwyllgor Trosolwg a Chraffu yw:
- Cyflawni swyddogaethau mewn perthynas â'r Bwrdd ar sail gofynion Deddf Llesiant Cenedlaethau'r Dyfodol (Cymru) 2015. Yn benodol, un o'r swyddogaethau yw i fod yn ymgynghorai statudol ar gyfer:
- Asesiad Lles y Bwrdd Gwasanaethau Cyhoeddus;
- Cynllun Lles y Bwrdd Gwasanaethau Cyhoeddus; a
- Derbyn Adroddiad Blynyddol sy'n nodi'r cynnydd yn erbyn nodau lles lleol sydd wedi'u cynnwys yn y Cynllun Lles.
- Adolygu neu graffu ar y penderfyniadau sy'n cael eu gwneud gan y Bwrdd neu'r camau y mae'r Bwrdd yn eu cymryd;
- Adolygu neu graffu ar drefniadau llywodraethu'r Bwrdd;
- Paratoi adroddiadau neu wneud argymhellion i'r Bwrdd ynghylch ei swyddogaethau neu'i drefniadau llywodraethu;
- Trafod materion sy'n ymwneud â'r Bwrdd fel bod modd i Weinidogion Cymru gyfeirio atyn nhw a rhannu adroddiadau â Gweinidogion Cymru yn unol â hynny.
Mae Cydbwyllgor Trosolwg a Chraffu Cwm Taf Morgannwg yn cynnwys 5 Aelod Etholedig o Bwyllgor Trosolwg a Chraffu pob un o'r tri Awdurdod Lleol er mwyn craffu ar waith y Bwrdd Gwasanaethau Cyhoeddus fel sy'n ofynnol o dan Ddeddf Llesiant Cenedlaethau'r Dyfodol (Cymru) 2015 ac yn seiliedig ar gydbwysedd gwleidyddol pob un o'r Pwyllgorau hynny, cyn belled ag y bo'n ymarferol. Mae'r cydbwyllgor hefyd yn cynnwys Aelodau ‘Cyfetholedig’ sy'n cynrychioli'r Bwrdd Iechyd Lleol, Cyngor Iechyd Cymuned a dinasyddion i gynrychioli'r tri rhanbarth lleol.
Mae'r cyfarfodydd hybrid yn cael eu cynnal bob chwarter gyda'r Cynghorydd y Fwrdeistref Sirol G Hughes (Cyngor Rhondda Cynon Taf) yn gadeirydd. Cyngor Bwrdeistref Sirol Rhondda Cynon Taf sy'n cynnal y trefniadau cymorth.
Aelodau Cyngor Rhondda Cynon Taf
Cyng. G Hughes (Cadeirydd)
Cyng. B Stephens
Cyng. S Evans
Cyng. J Bonetto
Cyng. R Williams
Cyng. S Evans
Aelodau Pen-y-bont ar Ogwr
Cyng. A Williams
Cyng. F Bletsoe
Cyng. M Hughes
Cyng. H David
Cyng. T Thomas
Cyng. S Griffiths
Aelodau Cyngor Merthyr
Cyng. J Jenkins
Cyng. Geraint Thomas
Aelodau Cyfetholedig:
| Ms Rachel Rowlands |
Bwrdd Iechyd Lleol |
| Mr Andrew Robinson |
Cyfoeth Naturiol Cymru |
| Ms Anita Lewis |
Cynrychiolydd Dinasyddion Rhondda Cynon Taf |
| Mr Michael J Maguire |
Cynrychiolydd Dinasyddion Merthyr Tudful |
| Ms Cheryll Board |
Cynrychiolydd Dinasyddion Cyngor Pen-y-bont ar Ogwr |