Cyngor ar Effeithlonrwydd Ynni

Mae effaith yr argyfwng costau byw yn golygu bod llawer yn rhagor o bobl yn wynebu trafferthion o ran talu biliau ynni sy'n hanfodol er mwyn gallu cadw'n ddiogel, yn gynnes ac yn iach gartref am bris fforddiadwy tra'n rheoli biliau pwysig eraill.

Os ydych chi wedi cael eich effeithio gan hyn oherwydd newid yn eich amgylchiadau ariannol neu gyflwr iechyd sy'n cael effaith arnoch chi, neu os ydych chi'n awyddus i arbed arian ar filiau ynni neu leihau eich ôl troed carbon, mae modd i ni gynnig cyngor diduedd i drigolion RhCT am ddim. 

Mae modd i ni roi'r cymorth canlynol i chi;

• Cymorth i fanteisio i'r eithaf ar eich incwm er mwyn sicrhau bod biliau ynni'n fwy fforddiadwy
• Lleihau'r ynni rydych chi'n ei ddefnyddio er mwyn lleihau'ch biliau neu'ch helpu chi i ddod o hyd i dariff rhatach
• Cymorth o ran lleihau ôl troed carbon eich cartref

Gwasanaethau Hwb

Mae ein Gwasanaeth Gwresogi ac Arbed yn dal i ddarparu cyngor a chymorth mewnol, ac mae modd i staff eich cyfeirio (gyda'ch caniatâd) at asiantaethau partner sy'n darparu gwasanaethau eraill.

Cysylltwch â ni os ydych chi'n chwilio am ragor o wybodaeth ynglŷn â'r canlynol;

• Grantiau neu fenthyciadau ar gyfer mesurau effeithlonrwydd ynni yn eich cartref
• RCT Switch - Cyngor diduedd ac am ddim ynglŷn â newid tariff
• Cyngor cyffredinol ar effeithlonrwydd ynni er mwyn arbed ynni yn y cartref
• Cofrestri o wasanaethau sydd â blaenoriaeth
• Cymorth gyda dyledion o ran cyfleustodau (nwy, trydan a dŵr)
• Atgyfeiriadau o ran;

• Cyflenwyr ynni i gael cymorth pellach gyda chaledi ariannol, problemau gyda theclynnau talu ymlaen llaw a pharhad gwasanaeth
• Cyngor ar Bopeth (dyled, budd-daliadau a gwasanaethau cyngor i ddefnyddwyr)
• Yr Asiantaeth Gofal a Thrwsio
• Cynllun NYTH Llywodraeth Cymru
• Gwasanaeth Parseli neu Fanciau Bwyd
• Presgripsiynau
• Mynediad at gofrestri o wasanaethau sydd â blaenoriaeth

Grantiau a chymorth ariannol arall ar gael

Os oes gyda chi ddiddordeb mewn gwneud cais am grant a/neu gymorth ariannol arall ar gyfer gwelliannau effeithlonrwydd ynni yn eich cartref, gall ein ffurflen ar-lein gyflym a syml eich helpu i nodi ffynonellau cymorth ariannol posibl sydd ar gael i chi yn seiliedig ar eich amgylchiadau.

Os oes angen cymorth arnoch chi i lenwi'r ffurflen, mae wedi'i chynllunio fel y gall trydydd partïon eraill hefyd lenwi'r ffurflen ar eich rhan i'ch cynorthwyo trwy'r broses. Gall hyn gynnwys ffrindiau neu aelodau o'r teulu, neu asiantaethau eraill sy'n cynnig gwasanaethau cynghori, gan gynnwys ein gwasanaeth cyngor Gwresogi ac Arbed.

Mae'n bwysig eich bod yn casglu cymaint o wybodaeth â phosibl i wneud dewis gwybodus sy'n addas i'r hyn yr hoffech chi ei weld a'ch amgylchiadau, ac mae yna ystod o wasanaethau cynghori a all ddarparu cymorth pellach.  Mae modd gweld rhagor o wybodaeth am y gwasanaethau cynghori sydd ar gael isod ar y dudalen we yma ac ar waelod y ffurflen.

Pe hoffech chi ddarganfod a oes gan eich cartref Dystysgrif Perfformiad Ynni gofrestredig, mae modd gwneud hyn drwy wefan y Llywodraeth.

Ni fydd eich atebion yn cael eu cadw, a fyddwn ni ddim yn gofyn i chi am fanylion personol fel eich enw na'ch cyfeiriad.  Diben y ffurflen yw eich helpu i adnabod ffynonellau ar gyfer grantiau cyllid posibl neu gymorth ariannol arall sydd ar gael i chi, yn seiliedig ar eich sefyllfa. 

Gwnewch gais am grantiau neu gymorth ariannol arall ar gyfer gwelliannau effeithlonrwydd ynni i'ch cartref.

 

Nodwch fod y meini prawf cymhwysedd ac argaeledd cyllid grant a chymorth ariannol yn gallu newid ac efallai na fydd unrhyw wybodaeth sy'n cael ei darparu ar y rhestr o gynlluniau sydd ar gael yn gynhwysfawr.  Mae'r wybodaeth sy'n cael ei darparu'n cynnwys amrywiaeth o gynlluniau neu wasanaethau allanol yn y farchnad a dydyn nhw ddim yn gyfrifoldeb i'r Cyngor. O ganlyniad, does dim modd i ni benderfynu na dylanwadu ar argaeledd grant na'r meini prawf cymhwysedd. 

Gwres mwy teg

Mae'r Cyngor hefyd yn cydweithio â Fairer Warmth i'ch helpu i arbed arian a lleihau carbon yn eich cartref. Mae Fairer Warmth yn declyn ar-lein sy'n eich helpu i leihau eich biliau ynni a chreu cartref cynhesach a mwy effeithlon o ran ynni.

Mae'r teclyn yn eich galluogi i:

• Darganfod pa gymorth a chyllid sydd ar gael ac os ydych chi'n gymwys i’w dderbyn.
• Archwilio'r mesuriadau effeithlonrwydd ynni sydd yn addas ar gyfer eich cartref.
• Darganfod dulliau syml a fforddiadwy i arbed ynni yn eich cartref a lleihau'ch biliau ynni.

 

Mae modd cael mynediad i declyn Fairer Warmth trwy glicio'r ddolen isod.

 

https://app.fairerwarmth.com/campaign-landing?campaignId=kU4EtdN7jdww66oIGhw8

Cyllid ychwanegol sydd ar gael 

• Bydd y Gwarant Pris Ynni yn gosod cap o £1,755 ar filiau ynni hyd at 31 Rhagfyr 2025.
• Gall unigolion sydd wedi'u geni cyn 23 Medi 1958 fod yn gymwys i dderbyn swm rhwng £100 a £300 yn rhan o'r Cynllun Cymorth Tanwydd Gaeaf i helpu i dalu eu biliau ynni.
• Efallai eich bod chi'n gymwys i dderbyn gostyngiad gwerth £150 oddi ar eich bil trydan trwy'r Cynllun Gostyngiad Cartrefi Cynnes.
• Mae rhagor o wybodaeth gan y Llywodraeth am help gyda'ch biliau ynni ar gael Help gyda'ch biliau ynni

Ffynonellau cyngor ychwanegol

• Mae gwefannau cymharu ynni megis Uswitch, Compare the Market neu Money Super Market ar gael i'ch helpu chi i ddod o hyd i'r darparwr ynni rhataf i chi.
• Os oes gyda chi ddiddordeb mewn lleihau eich effaith amgylcheddol holwch eich darparwr cyfleustodau am Dariffau Gwyrdd sy'n defnyddio ffynonellau ynni adnewyddadwy.
• Mae hefyd modd gofyn i'r darparwr cyfleustodau am dariffau cymdeithasol sydd ar gael er mwyn sicrhau bod cwsmeriaid yn manteisio ar y cyfraddau ynni rhataf sydd ar gael.  

Nodwch, y gwres ac Arbed ar hyn o bryd yn gweld cynnydd yn y galw am y grant, mae'n bosibl y bydd hyn yn achosi peth oedi wrth ymateb.

Rydyn ni’n ymddiheuro am unrhyw anghyfleustra ac yn diolch i chi am eich amynedd a'ch dealltwriaeth yn ystod y cyfnod yma.

Os ydych chi heb wres a/neu angen cymorth ar frys, efallai bydd modd i asiantaethau eraill eich helpu chi;

Local Energy Advice Partnership Cynllun Boeler LEAP | LEAP (applyforleap.org.uk)  Rhif ffôn: 0800 060 7567

Yr Ymddiriedolaeth Arbed Ynni; Cynllun Cartrefi Clyd Nyth Llywodraeth Cymru - Yr Ymddiriedolaeth Arbed Ynni Rhif ffôn: 0808 808 2244

Cyngor ar Bopeth Cyngor ar Bopeth Rhondda Cynon Taf (carct.org.uk) Rhif ffôn: 01443 409284    

Cyngor Ynni Gofal a Thrwsio careandrepair.org.uk/cy/agencies/care-repair-cwm-taf/  Rhif ffôn: 01443 755696

Croesawn ohebu yn Gymraeg a fydd gohebu yn y Gymraeg ddim yn arwain at oedi.  Rhowch wybod inni beth yw’ch dewis iaith e.e Cymraeg neu’n ddwyieithog.