Mae'r Cyngor wedi ymrwymo i gefnogi trigolion i wneud eu cartrefi yn fwy ynni effeithlon er mwyn lleihau biliau trydan ac allyriadau carbon a mynd i'r afael â newid yn yr hinsawdd.
Er mwyn cyflawni hyn mae'r Cyngor yn cynnig grant i helpu â'r broses o brynu paneli solar a'u gosod. Mae'r prosiect yma wedi'i gefnogi gan Lywodraeth Cymru drwy Gronfa Twf Lleol y DU yng Nghymru.
Mae panel solar ffotofoltaidd, neu ffotofoltegion (PV), yn creu trydan drwy ddal ynni'r haul a'i drosi'n drydan. Does dim angen golau haul uniongyrchol ar y celloedd i weithio, ac mae modd iddyn nhw hyd yn oed weithio ar ddiwrnodau cymylog. Fel arfer, mae paneli solar ffotofoltaidd yn cael eu gosod ar do eich cartref a byddan nhw'n cynhyrchu eich trydan adnewyddadwy eich hun i helpu i leihau eich allyriadau carbon ac arbed arian ar eich biliau trydan.
Os nad ydych chi'n siŵr a yw solar ffotofoltaidd yn addas ar gyfer eich amgylchiadau neu'ch cartref, yna cysylltwch â'n Swyddogion Ynni Tai yn y garfan Gwresogi ac Arbed a fydd yn gallu rhoi rhagor o wybodaeth i chi.
Mae rhagor o wybodaeth gyffredinol am solar ffotofoltaidd, yr arbedion posibl mae modd iddyn nhw eu cynnig, a'r gwaith cynnal a chadw parhaus ar gael yma: www.energysavingtrust.org.uk/advice/solar-panels
Meini Prawf Cymhwysedd
- Rhaid i'r eiddo fod yn Rhondda Cynon Taf
- Rhaid i'r sawl sy'n gwneud cais fod yn berchen-feddiannydd ar yr eiddo (does dim rhaid i ymgeiswyr dderbyn budd-daliadau sy'n seiliedig ar brawf modd neu beidio â chyrraedd trothwy incwm neu gynilion).
- Rhaid i'r gosodwyr sy'n cael eu defnyddio fod wedi'u hachredu gan MCS/Flexi-orb er mwyn gallu cael mynediad at y cyllid grant.
Beth sydd angen i chi ei wybod
Bydd ymgeiswyr posibl sy'n bodloni'r meini prawf yn cael eu hystyried am grant fydd yn cyfrannu at gost prynu paneli solar a'u gosod. Bydd hyn yn ddibynnol ar yr amodau canlynol:
- Byddwch chi'n derbyn hyd at 25% o gost prynu paneli solar a'u gosod (bydd hyn wedi'i gyfyngu i £1,000)
- Rhaid i berchennog yr eiddo dalu unrhyw gostau ychwanegol ar gyfer gwaith sydd uwchlaw uchafswm y grant (mae modd gwneud hyn trwy geisio cymorth pellach megis benthyciadau neu gymorth grant arall, yn amodol ar gymhwysedd).
- Ni fydd gwaith a gafodd ei gyflawni cyn cymeradwyo’r grant yn gymwys i fanteisio ar gymorth grant.
- Bydd y taliad grant ar gyfer ceisiadau sydd wedi'u cymeradwyo dim ond yn cael ei ryddhau pan fydd arolygon ar ôl gwaith gosod wedi'u cwblhau. Bydd hyn yn cael ei drefnu unwaith y bydd y Cyngor wedi derbyn anfoneb fanwl a Thystysgrif MCS.
Noder y bydd angen i chi uwchlwytho'r dystiolaeth ganlynol cyn y bydd modd cymeradwyo'r cais:
- Tystiolaeth eich bod yn berchen-feddiannydd (morgais, gweithredoedd eiddo, Treth y Cyngor ac ati)
- Dyfynbris ar gyfer y gwaith
Os nad oes gwres gyda chi ac/neu os ydych chi angen cymorth brys, efallai y bydd modd i asiantaethau eraill eich helpu, fel a ganlyn;
Sut i wneud cais
Cysylltu â ni
Hoffech chi ragor o wybodaeth? Cysylltwch â'r garfan:
Ffôn: 01443 281136
Croesawn ohebu yn Gymraeg a fydd gohebu yn y Gymraeg ddim yn arwain at oedi. Rhowch wybod inni beth yw’ch dewis iaith e.e Cymraeg neu’n ddwyieithog.