Arwain Newid – Dewch yn Gyfarwyddwr Addysg a Gwasanaethau Cynhwysiant i ni
Cyngor Rhondda Cynon Taf | Cyfle i Uwch Reolwr
Ynglŷn â'r Rôl
Mae Cyngor Rhondda Cynon Taf (RhCT) eisiau penodi arweinydd eithriadol i lunio dyfodol Addysg a Gwasanaethau Cynhwysiant ein cymunedau.
A chithau'n Gyfarwyddwr Addysg a Gwasanaethau Cynhwysiant, byddwch chi'n gyfrifol am 111 o ysgolion a gweithlu mawr, gan sicrhau bod pob plentyn a pherson ifanc yn RhCT yn cael addysg o’r safon uchaf, a'r gefnogaeth sydd ei hangen arnyn nhw i ffynnu.
Mae'r cyfle prin yma i fod yn un o Uwch Reolwyr y Cyngor yn cynnig cyfle i chi wneud y canlynol:
- Llunio'r weledigaeth ar gyfer addysg a gwasanaethau cynhwysiant yn RhCT, a’i gwireddu
- Ysbrydoli ac arwain gweithlu amrywiol o staff ysgolion, gweithwyr addysg proffesiynol a rheolwyr gwasanaethau
- Llunio polisïau a strategaethau yn unol â blaenoriaethau Llywodraeth Cymru ac anghenion lleol
- Cydweithio â phenaethiaid ysgolion, partneriaid ac aelodau etholedig i wella a llywio'r sector addysg yn barhaus
Amdanoch Chi
Hoffen ni benodi arweinydd addysg profiadol â gweledigaeth, sy’n gallu:
- Dangos arweinyddiaeth strategol a gweithredol gref
- Meithrin partneriaethau effeithiol ledled ysgolion, llywodraeth leol ac asiantaethau cenedlaethol
- Hybu cynhwysiant, tegwch a lles i bob disgybl
- Dod ag arloesedd, cydnerthedd ac angerdd dros wella cyfleoedd bywyd i blant a phobl ifainc
Hoffen ni benodi arweinydd â chymwysterau proffesiynol cryf, gwybodaeth dda am faterion deddfwriaethol a gwleidyddol, a phrofiad helaeth o ddarparu gwasanaethau pwysig ar lefel strategol. Bydd gennych chi hanes da o arwain newid sefydliadol cymhleth, rheoli cyllidebau sylweddol, gweithio'n effeithiol ag Aelodau Etholedig, llunio strategaeth gorfforaethol a meithrin cysylltiadau cyflogaeth gadarnhaol.
Pam Ymuno â Chyngor RhCT?
Byddwn ni’n cynnig cyfleoedd rhagorol i chi ddefnyddio'ch sgiliau i fynd â’r gwasanaeth allweddol i'r lefel nesaf.
Mae gan ein Gwasanaeth Addysg sylfaen gref, gyda dros £1 biliwn wedi'i fuddsoddi i wella adeiladau ysgolion a chreu cyfleusterau newydd sbon i ddisgyblion a staff — gyda rhagor ar y gweill ar gyfer 2026 a thu hwnt.
Byddwch chi’n ymuno â charfan o unigolion ymroddedig sy'n edrych tua’r dyfodol ac yn chwarae rhan hanfodol wrth lunio bywydau ein cymunedau.
Manteision a Buddion
Yn gyfnewid am eich angerdd a'ch ymroddiad, byddwch chi’n cael:
- Cyflog cystadleuol o £113,745
- Cynllun pensiwn hael
- Trefniadau gweithio hybrid a hyblyg ledled RhCT
- Hawl i wyliau blynyddol hael
- Cynllun adleoli i gynorthwyo'r ymgeisydd llwyddiannus i symud i weithio yn RhCT
Manylion Allweddol
Lleoliad: Gweithio ledled RhCT yn ôl yr angen, yn ogystal â threfniadau hybrid
Cyflog: £113,745
Dyddiad Cau: 05/01/2026
Gwybodaeth Bellach
Am drafodaeth anffurfiol am y rôl, cysylltwch â James Eddison ar james@moxiepeople.com