Ysgol Gynradd Pont-y-clun

Mae'r buddsoddiad mawr yma i'r gymuned yn cael ei ariannu ar y cyd gan y Cyngor a Llywodraeth Cymru drwy'r Model Buddsoddi Cydfuddiannol, sef ffrwd arian refeniw'r Rhaglen Cymunedau Dysgu Cynaliadwy. Cadarnhawyd y cyllid hwn ym mis Rhagfyr 2022.

Cam Un y broses oedd codi adeilad newydd sbon yr ysgol, a agorodd i staff a disgyblion ym mis Mawrth 2025. 

Adeilad ysgol newydd yn barod i groesawu disgyblion Ponty-y-clun ar ôl gwyliau hanner tymor (Chwefror 2025)

Bydd gan yr adeilad newydd le i 480 o ddisgyblion (yn ogystal â disgyblion y dosbarth meithrin), a bydd yn cynnig amgylchedd o'r radd flaenaf sy'n cynnwys man canolog, ystafelloedd dosbarth y Meithrin hyd at Flwyddyn 6, prif neuadd a mannau ategol. Bydd yr adeilad yn cael ei weithredu'n Garbon Sero Net, gan gydymffurfio ag ymrwymiadau'r Cyngor a Llywodraeth Cymru o ran y Newid yn yr Hinsawdd. 

Yna dechreuodd y contractwr adeiladu, Morgan Sindall, Gam Dau'r prosiect – gan ganolbwyntio ar fannau awyr agored y datblygiad ehangach. Mae'r gwaith yma wedi cynnwys cael gwared ar yr holl adeiladau dros dro a dymchwel yr adeiladau hŷn a oedd yn weddill ar y safle. Mae hyn wedi agor y safle yn sylweddol, ac wedi darparu man agored mawr lle mae Ardal Gemau Aml-ddefnydd â dau gwrt wedi cael ei hadeiladu – yn ogystal â mannau caled a meddal, ystafell ddosbarth awyr agored, mannau i eistedd, maes parcio i staff ac ymwelwyr ac offer chwarae i'r disgyblion.

Cyflawni gwaith ardaloedd awyr agored yn cwblhau buddsoddiad sylweddol yn Ysgol Gynradd Pont-y-clun (Medi 2025)

Cafodd yr ail gam yma o waith ei gwblhau ym mis Medi 2025, a hynny yn ôl yr amserlen, gan alluogi staff a disgyblion i ddefnyddio'r cyfleusterau awyr agored a chwblhau'r datblygiad cyffredinol.

Mae'r lluniau'n dangos y prif adeilad newydd, wedi'i gwblhau erbyn mis Mawrth 2025, yng Ngham Un y prosiect.

Mae'r lluniau isod yn dangos elfennau awyr agored y datblygiad, a gafodd eu cwblhau ym mis Medi 2025, yn rhan o Gam Dau'r prosiect.