Mae Cynghorwyr yn cael eu hethol i gynrychioli eu cymuned leol ac i bennu cyfeiriad polisïau strategol Cyngor Rhondda Cynon Taf. Mae Cynghorwyr yn helpu i benderfynu sut mae gwasanaethau lleol yn cael eu darparu, eu hariannu a'u blaenoriaethu. Mae Cynghorwyr yn gweithio gyda gweithwyr y Cyngor i sicrhau bod gwasanaethau'n berthnasol ac yn cael eu darparu'n effeithiol.
Mae bod yn Gynghorydd yn rhoi llawer o foddhad a chyfle i ddylanwadu ar benderfyniadau lleol sy'n gwella ansawdd bywyd pobl sy'n byw ac yn gweithio yn Rhondda Cynon Taf, ac sy'n ymweld â'r ardal.
Cyfrifoldebau Cymunedol
- Cynrychioli eich ward leol a siarad â thrigolion yn rheolaidd am unrhyw faterion yn yr ardal leol
- Datblygu datrysiadau i broblemau cymunedol
- Mynd i achlysuron yn y gymuned, a helpu i'w cydlynu, a chynnig arweinyddiaeth pan fydd ei hangen mewn sefydliadau cymunedol
- Cynnal gwaith achos yn rheolaidd ar ran trigolion Byddwch chi'n delio ag ystod amrywiol o ymholiadau gan drigolion ynghylch materion beunyddiol a materion mwy cymhleth
- Mae datrys materion ar ran trigolion yn cael ei ystyried yn aml yn un o'r agweddau sy'n rhoi'r boddhad mwyaf ar fod yn Gynghorydd etholedig
Gwneud Polisïau a Chyfrifoldebau Pwyllgorau
- Dylanwadu ar brosesau gwneud penderfyniadau sy'n cael effaith ar ddatblygiad polisïau ar gyfer ardal gyfan Rhondda Cynon Taf
- Cymryd rhan lawn ym mhrosesau'r Cyngor, gan gynnwys ceisiadau cynllunio a thrwyddedu
- Craffu ar waith llunio a gweithredu polisïau presennol a rhai newydd, gan gynnwys darpariaeth gwasanaethau