Gallwch chi sefyll mewn etholiad fel ymgeisydd annibynnol neu fel ymgeisydd gwleidyddol ar ran grŵp / plaid. Os ydych chi'n aelod o blaid wleidyddol neu'n bwriadu ymuno neu sefyll fel aelod o blaid wleidyddol, bydd eu hasiantau yn gweithio i chi. Os ydych chi'n sefyll fel aelod annibynnol bydd angen i chi ofyn am gyngor gan wahanol asiantaethau.
I ddod yn gynghorydd, mae'n rhaid i chi'n enwebu'ch hun i sefyll yn yr etholiad. Oni bai bod lle gwag yn codi o fewn ward, cynhelir etholiadau ar ddydd Iau cyntaf mis Mai unwaith bob pump blynedd.
I sefyll mewn etholiad mae'n rhaid i chi lenw ffurflen enwebu. Mae'r ffurflenni yma ar gael o'r dudalen etholiadau sydd ar ddod perthnasol neu mae modd gofyn amdani drwy gysylltu â'r Gwasanaethau Etholiadol.
Mae modd cael pecynnau enwebu trwy e-bostio GwasanaethauEtholiadau@rctcbc.gov.uk neu drwy fynd i 10-12 Heol Gelliwastad, Pontypridd, CF37 2BW.
A oes gyda fi'r cymwysterau cywir?
Daw cynghorwyr o bob cefndir a gallu. Mae hyn yn bwysig er mwyn i'r Cynghorwyr allu cynrychioli eu cymunedau. Mae angen Cynghorwyr sydd ag ystod o brofiadau, cefndiroedd cyflogaeth a chymwysterau ar Gynghorau. Fel Aelod, bydd angen i chi allu deall adroddiadau y mae swyddogion y Cyngor yn eu hysgrifennu cyn i chi wneud penderfyniadau. Bydd disgwyl i chi hefyd wneud y rhan fwyaf o'ch gwaith ar gyfrifiadur a bod â sgiliau pobl da i weithio gyda phobl yn y gymuned. Yn ôl y rhan fwyaf o Aelodau, dealltwriaeth o'ch cymuned, parodrwydd i wrando a dysgu a rhywfaint o synnwyr cyffredin yw'r cyfan sydd eu hangen arnoch chi.
Hoffwn gael rhywfaint o brofiad o fod yn Gynghorydd, sut alla i wneud hyn?
Os hoffech chi gael syniad o'r math o waith a wneir ar hyn o bryd mewn cyfarfodydd, mae modd i chi gael profiad cyn ymrwymo trwy ddod i sesiynau agored sy'n cael eu cynnal yn Siambr y Cyngor. Bydd hyn yn caniatáu i ddarpar ymgeiswyr gael cipolwg ar sut mae cyfarfodydd yn cael eu cynnal ac yn eich galluogi chi i weld cyfleusterau Siambr y Cyngor.
Mae darpar ymgeiswyr hefyd yn cael eu hannog i edrych ar dudalennau gwe pob pwyllgor i ddeall gwaith y pwyllgorau gwahanol.
Strwythur y Pwyllgor - Gyngor Bwrdeistref Sirol Rhondda Cynon Taf
Mae recordiadau o gyfarfodydd blaenorol ar gael i'w gweld ar-lein yma.
Llyfrgell Gwe-Ddarlledu - Gyngor Bwrdeistref Sirol Rhondda Cynon Taf