Mae lleoedd ar gyfer Rasys Nos Galan 2025 AR WERTH NAWR.
Mae Rasys Nos Galan yn ffordd berffaith i ddod â 2025 i ben. Mae'r rasys yn cael eu cynnal yn nhref hanesyddol Aberpennar. Dyma achlysur sy’n rhoi cyfle i gannoedd o redwyr gymryd rhan yn y rasys elit i ddynion a menywod neu yn y ras hwyl - mae croeso i chi wisgo gwisg ffansi hefyd!
Bydd cyfle i'r plant gymryd rhan hefyd - bydd rasys i blant (rhwng 8-15 oed) gyda gwobrau a phodiwm ar eu cyfer nhw.
Bydd ein Rhedwr Dirgel hefyd yn cymryd rhan yn y ras. – dros y blynyddoedd diwethaf rydyn ni wedi croesawu sêr y byd chwaraeon gan gynnwys Lauren Price MBE, Gareth Thomas, George North, Nigel Owens, Sam Warburton, Chris Coleman, Colin Jackson a llawer yn rhagor.
Bydd yna awyrgylch hudolus hefyd wrth i bobl ddechrau eu dathliadau Nos Galan yn gynnar, gyda thrigolion yn ymgynnull wrth ochr y ffordd i gefnogi’r rhedwyr, croesawu'r Rhedwr Dirgel a mwynhau'r tân gwyllt a'r gweithgareddau hwyl i'r teulu.
Mae'r achlysur yn seiliedig ar hanes Guto Nyth Brân, a fu unwaith y dyn cyflymaf yn y byd. Dyma ddyn a oedd yn gallu rhedeg saith milltir o’i fferm i ardal Porth (ac yn ôl!) yn yr amser y byddai’n ei gymryd i’r tegell ferwi. Lansiwyd Rasys Ffordd Nos Galan gan Bernard Baldwin MBE ym 1958 er mwyn cadw'r chwedl yn fyw. Mae gwasanaeth yn cael ei gynnal ger bedd Guto yn Eglwys Sant Gwynno, Llanwynno,ar ddechrau'r achlysur bob blwyddyn.
Ewch i nawr i gadw'ch lle yn y Rasys Elît i Ddynion a Menywod, y Ras Hwyl a'r Rasys i Blant.
Os nad ydych chi’n llwyddo i gadw lle y tro yma bydd rhaid i chi aros ar gyfer y dyddiad rhyddhau nesaf i geisio eto (Mae lleoedd yn cael eu rhyddhau fesul camer mwyn sicrhau bod gan bawb gyfle teg i gadw lle.
Mae'r rownd gyntaf o leoedd ar gyfer y Rasys Elît i Ddynion a Menywod a'r Ras Hwyl ar werth NAWR.
Cafodd yr holl leoedd ar gyfer y Rasys i Blant eu rhyddhau'r bore 'ma a byddan nhw ar werth hyd nes y bydd pob lle wedi’i werthu.
Bydd rhagor o leoedd ar gyfer y rasys yn cael eu rhyddhau:
- 12pm Dydd Llun, 15 Medi
- 6pm Dydd Llun, 22 Medi