Canolfan Chwaraeon Abercynon yw'r cyfleuster Hamdden am Oes diweddaraf i dderbyn buddsoddiad a fydd yn cynnwys:
- Ailgynllunio ac ymestyn y gampfa bresennol
- Gosod yr offer diweddaraf yn lle'r hen offer yn y gampfa
- Ymateb i adborth cwsmeriaid mewn perthynas â'u profiad yn y gampfa
- Addasu ystafell ffitrwydd bresennol i fod yn stiwdio droelli, gyda llawr newydd, goleuadau modern a beiciau newydd sbon, er mwyn i ragor o bobl fwynhau'r dosbarth ffitrwydd poblogaidd yma.
Cafodd y lluniau yma eu darparu gan Life Fitness, a fydd yn cyflenwi offer y gampfa, ac maen nhw'n rhoi syniad i chi o'r offer newydd a fydd ar gael yn y gampfa, a'i chynllun newydd.
Mae'r lluniau yma gan Life Fitness yn dangos yr offer unigol a fydd ar gael yn y gampfa.
Mae pob darn o offer wedi'i ddewis yn seiliedig ar adborth cwsmeriaid. Mae pobl wedi rhoi gwybod i staff am yr offer maen nhw'n ei hoffi ac yn dymuno ei weld yn aros/yn cael ei uwchraddio, a'r eitemau newydd yr hoffen nhw eu defnyddio yn y gampfa.
Mae'n bwysig cofio bod gan Abercynon ystod eang o gwsmeriaid - mae trigolion hŷn sy'n defnyddio ffitrwydd ac ymarfer corff yn dilyn cyfnod o salwch neu anaf yn defnyddio'r gampfa mor aml ag athletwyr proffesiynol.
Mae hyn yn cael ei adlewyrchu yn yr amrywiaeth o offer a fydd ar gael yn y gampfa ar ei newydd wedd. Bydd hyn yn cynnwys peiriannau llai heriol ac arbenigol, yn ogystal â phwysau, raciau a llwyfannau newydd y gofynnwyd amdanyn nhw.