Cymerwch y cam cyntaf tuag at yrfa newydd yn Ffair Swyddi Cyngor RhCT a'i Bartneriaid 2026. Bydd yr achlysur am ddim yma'n cael ei gynnal ddydd Iau 15Hydref yn Llyfrgell Pontypridd, Llys Cadwyn, CF37 4TH, rhwng 10am a 2pm. Bydd awr dawel yn cael ei chynnal rhwng 1pm a 2pm.
Bydd y ffair swyddi yn dod ag ystod eang o gyflogwyr sy'n recriwtio ynghyd, gan roi'r cyfle i chi siarad yn uniongyrchol â sefydliadau, dysgu am swyddi gwag cyfredol a dechrau'r broses ymgeisio ar y diwrnod. Byddwch chi hefyd yn cael cyfle i gymryd rhan mewn gweithdai i'ch helpu chi i baratoi ar gyfer cyfweliad ac ysgrifennu CV.
Bydd llawer o sefydliadau yn bresennol ar y diwrnod, gyda swyddi mewn amrywiaeth o sectorau sy'n addas ar gyfer pobl o bob oed a phrofiad. Bydd staff Cyngor RhCT hefyd wrth law i ddarparu gwybodaeth a chyngor mewn perthynas â swyddi gyda'r Cyngor.
P'un a ydych chi'n chwilio am eich swydd gyntaf, ystyried newid gyrfa, neu dim ond yn chwilio am ysbrydoliaeth, mae gan Ffair Swyddi Cyngor RhCT a'i Bartneriaid rywbeth i bawb!
Dywedodd y Cynghorydd Maureen Webber, Dirprwy Arweinydd Cyngor Rhondda Cynon Taf: "Mae ein Ffair Swyddi'n chwarae rhan bwysig wrth helpu trigolion i ddysgu am gyfleoedd gyrfa newydd, manteisio ar gyngor gwerthfawr a chymryd y cam nesaf yn eu taith at gyflogaeth, gan roi cyfle i fusnesau gwrdd ag ymgeiswyr posibl a chryfhau eu gweithlu.
"Yn ystod y blynyddoedd diwethaf, mae ein hachlysuron Ffair Swyddi wedi bod yn llwyddiant ysgubol wrth gysylltu trigolion â chyflogwyr sy'n chwilio am weithwyr. Byddwn ni'n gwneud popeth o fewn ein gallu i gefnogi ein trigolion i ddod o hyd i gyfleoedd cyflogaeth o safon, ac mae hyn yn bwysicach nag erioed gan ystyried y cyd-destun economaidd.
Drwy ddod â chyflogwyr a phobl sy'n chwilio am swyddi ynghyd, mae modd i ni helpu i greu cysylltiadau ystyrlon sy'n arwain at yrfaoedd newydd a chefnogi twf economaidd lleol. "
Mae modd gweld rhestr o gyflogwyr sydd wedi cadarnhau y byddan nhw’n cymryd rhan isod:
7 Steel
Army Reserves
Atkins Realis
Audit Wales
AVON
British Transport Police
Cardo Group
Care Cymru
Cartrefi
Case-UK
Companies House
Cwm Taf Morgannwg University Health Board
Cynefin Care
Drive
Educators Wales
Envolve Infrastructure
Innovate Trust
Kier
Matrix Agency
Morgan Sindall
Partnership for Progress
Prichards
Q Care
RCT Council Childrens and Adult
RCT Council Foster Wales (RCT)
RCT Democratic Services
RCT Job Vacancies
RCTCBC Mercury Project Cycle Routes
Rubicon
Screen Alliance Wales
SET Recruitment
Smart Solutions
South East Wales Rivers Trust
South Wales Police - Positive action Recruitment
Supply Team Education
Teacher Active
WDL Contracting Ltd
Welsh Guards
Abacare/CCH
Radis
TCG Facilities
Centregreat
Production 78
ARC Training
Business Wales
Interlink
ITEC
JCP / DWP
Llamau Education
RCT Work and Skills
Big Ideas Wales
Business in Focus
Coleg Y Cymoedd
ACT
**Nodwch, mae'n bosibl bydd arddangoswyr gwahanol yno ar y diwrnod.
Wedi ei bostio ar 15/09/2026