Mae Canolfan Rheoli Argyfyngau'r Cyngor yn gyfleuster arbennig sy'n cael ei ddefnyddio i reoli digwyddiadau mawr ar lefel Strategol (Aur). Mae'r ganolfan yn lle diogel lle mae modd i uwch swyddogion sydd â chyfrifoldebau dros wneud penderfyniadau arwain ymateb y Cyngor, cadw golwg ar yr hyn sy'n digwydd, a gweithio gydag asiantaethau partner.
Mae'r ganolfan mewn lleoliad sy’n wahanol i leoliad y digwyddiad. Mae hyn yn golygu bod modd i Reolwyr Strategol ganolbwyntio ar wneud penderfyniadau pwysig, gan barhau i fod mewn cysylltiad â staff i dderbyn y newyddion diweddaraf.
Diben y Ganolfan Rheoli Argyfyngau
Mae'r ganolfan yn cael ei defnyddio ar gyfer y canlynol:
- Darparu lle canolog, gwydn fel bod modd rheoli digwyddiadau mawr
- Sicrhau bod uwch swyddogion yn cael gwybodaeth glir a chyfredol
- Cadw mewn cysylltiad â charfanau gweithredol, asiantaethau partner a rhanddeiliaid allanol
- Cefnogi gwaith amlasiantaeth yn ystod digwyddiadau mawr
- Helpu arweinwyr i wneud penderfyniadau mewn amgylchedd tawel sy’n llawn cyfarpar
Mae'r ganolfan yn cael ei sefydlu er mwyn parhau i weithredu mewn sefyllfaoedd heriol megis toriadau pŵer, tywydd garw, neu fethiant seilwaith.
Technoleg a Chyfathrebu
Mae gan y ganolfan nifer o systemau sy'n sicrhau bod modd i staff wybod y newyddion diweddaraf am y digwyddiad:
- Llinellau ffôn uniongyrchol i gysylltu â Depos Dinas ac Abercynon
- Mynediad at deledu cylch cyfyng, gan gynnwys camerâu ffrydio byw
- Delweddau telemetreg a chwlferi i fonitro seilwaith allweddol mewn amser real
- Cynadleddau fideo a ffôn fel bod modd i bartneriaid ac uwch swyddogion ymuno o bell
- Sgrîn fawr sy'n gallu dangos y canlynol:
- Recordiadau teledu cylch cyfyng
- Data telemetreg
- Galwadau cynhadledd
- Sgriniau cyfrifiadur
- Teledu byw (Freeview)