Preperation, Planning and Response for Emergencies

Mae'r adran Cynllunio ar gyfer Argyfyngau yng Nghyngor Bwrdeistref Sirol Rhondda Cynon Taf yn cynllunio ac yn rhoi cynlluniau ar brawf, ac mae hefyd yn hyfforddi staff; hyn oll er mwyn gofalu bod gyda ni'r trefniadau a gweithdrefnau cywir ar waith o ran ymateb i unrhyw ddigwyddiadau neu argyfyngau mawr sy'n digwydd yn Rhondda Cynon Taf. Rydyn ni'n gweithio mewn partneriaeth â'r gwasanaethau brys, y GIG, cwmnïau trafnidiaeth a chyfleustodau i ddatblygu cynlluniau lleol ar gyfer argyfyngau, wedi'u seilio ar gofrestr risg Fforwm Cydnerthedd Lleol De Cymru, er mwyn gofalu bod gyda ni ymatebion effeithiol ar waith ar gyfer digwyddiadau sy'n argyfyngau, a chadw cymunedau'n ddiogel.

Mewn ymateb amlasiantaeth i argyfwng, mae Cyngor Rhondda Cynon Taf yn gweithio'n agos gyda phartneriaid fel yr heddlu, y gwasanaeth tân, y gwasanaeth ambiwlans, cyrff iechyd, yr Awdurdod Glo a Llywodraeth Cymru i gydlynu ymdrechion a diogelu'r cyhoedd. Mae'n debygol y bydd RhCT yn agor ei ystafell reoli mewn argyfwng er mwyn rheoli'r digwyddiad ac yn gwahodd partneriaid amlasiantaeth i fod yn rhan ohoni.