Ymgynghoriad Strategaeth Sector Rhentu Preifat

Mae'r Strategaeth ddrafft yn nodi sut y bydd y Cyngor yn gweithio gyda landlordiaid, deiliaid contractau, a rhanddeiliaid eraill i lunio a darparu tai a chefnogaeth rhentu preifat sy'n ddiogel, yn fforddiadwy ac o safon dda dros y 5 mlynedd nesaf. Gyda gostyngiad yn yr adnoddau sydd ar gael yn y sector cyhoeddus, mae'r Strategaeth yn dibynnu ar greadigrwydd, arloesedd a gweithio mewn partneriaeth. Rhaid canolbwyntio ar ddatblygu perthynas waith ragorol gyda landlordiaid a denu buddsoddiad mewnol i sicrhau bod y cynnig Sector Rhentu Preifat yn RhCT yn ddeniadol.

Ein gweledigaeth yw “Gofalu bod y sector rhentu preifat yn RhCT yn darparu cartrefi diogel, fforddiadwy, sy'n cael eu rheoli'n dda ar sail contractau meddiannaeth cynaliadwy a hygyrch”. 

Caiff y Strategaeth ei chefnogi gan y pedwar amcan a ganlyn a fydd yn llywio ei chyflawniad:

1. Cynyddu'r cyflenwad o lety rhentu preifat fforddiadwy.
2. Rhoi cymorth i breswylwyr gael mynediad at gontractau meddiannaeth a'u cynnal er mwyn atal digartrefedd.
3. Gwella ansawdd yn y sector rhentu preifat a'r safonau rheoli hefyd.
4. Cryfhau partneriaethau ac ymgysylltu i gefnogi’r sector rhentu preifat.

Mae'r ymgynghoriad yn rhoi cyfle i drigolion wneud sylwadau a chyfrannu at ddrafft terfynol y Strategaeth.

Mae’r ddogfen ymgynghori i’w gweld ar y dudalen yma.

Os hoffech chi gymryd rhan yn yr ymgynghoriad, mae modd gwneud hyn mewn nifer o ffyrdd:

Ar-lein

Cysylltwch â ni