Ymgynghoriadau sy'n cael eu cynnal ar hyn o bryd

Mae'r Cyngor wedi ymrwymo i barhau i fynd i'r afael â chartrefi gwag ledled RhCT a chynyddu nifer y tai sy'n cael eu defnyddio eto. Mae'r ymgynghoriad yn rhoi cyfle i drigolion wneud sylwadau a chyfrannu at ddrafft terfynol y Strategaeth.

Ein gweledigaeth yw “sicrhau bod y sector rhentu preifat yn RhCT yn cynnig llety diogel, fforddiadwy, sy'n cael ei reoli'n dda ac o safon dda, gan greu tenantiaethau hygyrch a chynaliadwy.” Mae'r ymgynghoriad yn rhoi cyfle i drigolion wneud sylwadau a chyfrannu at ddrafft terfynol y Strategaeth.

Mae Cyngor Rhondda Cynon Taf yn cynnal ymgynghoriad cyhoeddus ar ei Fap Rhwydwaith Teithio Llesol. Hoffai'r Cyngor ehangu a gwella ansawdd a darpariaeth llwybrau teithio llesol ledled Rhondda Cynon Taf, a bydd yr arolwg yma'n ein helpu ni i wneud hynny. 

Gweithredodd Cyngor Bwrdeistref Sirol Rhondda Cynon Taf Gynllun Cilfachau Parcio i Bobl Anabl yn flaenorol, a chafodd y cynllun ei atal dros dro yn 2023 er mwyn cwblhau adolygiad. Gweithredwyd cynllun diwygiedig eleni, ac mae'r Cyngor bellach yn ystyried sut y byddai modd ei wella ymhellach. Helpwch ni drwy rannu'ch barn yn yr arolwg byr yma.

Mae Gwasanaeth Treftadaeth Cyngor Bwrdeistref Sirol Rhondda Cynon Taf yn ymgymryd â phrosiect sy'n anelu at wella dealltwriaeth a mynediad at gasgliadau ein hamgueddfeydd a'n llyfrgelloedd. Bydd y prosiect yma'n arwain at arddangosfa o wrthrychau casgliadau, ac wedi'u curadu gan aelodau'r gymuned, ar draws tair llyfrgell y Cyngor (Treorci, Pontypridd, ac Aberdâr). Hoffen ni wybod pa wrthrychau casgliadau rydych chi'n credu sy'n bwysig ac os oes gyda chi unrhyw straeon neu atgofion sydd wedi'u hysbrydoli ganddyn nhw!

Mae Cyngor Bwrdeistref Sirol Rhondda Cynon Taf yn datblygu Strategaeth Gyfathrebu a Chynllun Gweithredu Rheoli Perygl Llifogydd i wella sut rydyn ni'n rhannu gwybodaeth ynglŷn â pherygl llifogydd a helpu cymunedau i baratoi ar gyfer llifogydd, ymateb iddyn nhw, ac adfer ar ôl achosion o lifogydd. Bydd eich ymatebion yn helpu i lunio dull y Cyngor yn y dyfodol o ran cyfathrebu ac ymgysylltu â thrigolion, busnesau a chymunedau mewn perthynas â pherygl llifogydd.