Ymgynghoriadau sy'n cael eu cynnal ar hyn o bryd

Mae Is-adran Gofal Plant, Chwarae a'r Blynyddoedd Cynnar Llywodraeth Cymru, ac awdurdodau lleol, eisiau deall anghenion gofal plant teuluoedd Cymru sydd â phlant rhwng 0 ac 17 oed. Mae'r arolwg yn trafod gwasanaethau gofal plant cofrestredig (e.e. Arolygiaeth Gofal Cymru) a gwasanaethau anghofrestredig (e.e. nanis, au pairs a rhai clybiau chwaraeon neu weithgareddau). Bydd yr wybodaeth a gesglir yn ystod y prosiect yn cael ei chynnwys mewn adroddiadau Llywodraeth Cymru ac awdurdodau lleol.  Er hynny, ni all awdurdodau lleol warantu y bydd modd bodloni pob cais am ddarpariaeth gofal plant. Wrth gwblhau'r arolwg, peidiwch â chynnwys unrhyw wybodaeth bersonol (e.e. enwau, neu ddisgrifiadau o blant, a allai ei gwneud hi’n bosibl iddyn nhw gael eu hadnabod).

Mae carfanau Hamdden a Thwristiaeth y Cyngor yn dymuno adolygu'r llwybrau beicio hamdden presennol. Maen nhw am greu posteri gwybodaeth a chanllawiau ategol – ac rydyn ni angen eich help i gael yr olwynion yn troi!

Mae yna arolwg newydd i gasglu adborth gan y cyhoedd yn ymwneud â'r math o lwybrau yr hoffai pobl eu gweld yn cael eu cynnwys ar y daflen.

Rydyn ni eisiau deall sut mae pobl yn defnyddio'r llwybrau ar hyn o bryd, beth sy'n gweithio'n dda a'r pethau i'w gwella.