Ymgynghoriadau sy'n cael eu cynnal ar hyn o bryd

Mae'r Cyngor wedi cychwyn ymgynghoriad cyhoeddus ynglŷn â dadansoddi Adroddiad Cynnydd 2026 a’i argymhellion. Os ydych chi eisiau rhoi sylwadau ar yr adroddiad yma, anfonwch nhw ar bapur neu drwy e-bost. Mae modd i'r holl sylwadau ddod yn fater o gofnod cyhoeddus ac, oni nodir yn wahanol, mae modd cyhoeddi enw a dynodiad y person sy'n gwneud y sylwadau, ynghyd â'r sylwadau. 

Bob blwyddyn mae rhaid i'r Cyngor benderfynu sut i ddefnyddio'r arian sydd ganddo yn y ffordd orau. Dros y blynyddoedd diwethaf mae cost cynnal gwasanaethau'r Cyngor wedi codi'n gyflymach na'r cyllid rydyn ni'n ei gael. Mae hyn yn golygu bod gennyn ni flwch, neu ddiffyg yn y gyllideb, ac mae rhaid i ni barhau i wneud dewisiadau anodd a phwysig i sicrhau bod y Cyngor yn parhau i reoli arian cyhoeddus yn dda. Yn yr arolwg yma, rydyn ni eisiau clywed gennych chi am rai o'n cynlluniau. Hoffen ni hefyd glywed eich awgrymiadau ynglŷn â sut rydyn ni'n gallu gwneud pethau'n wahanol. Diolch i chi am gymryd rhan. Mae wir yn ein helpu.

Gall technoleg ddigidol wneud gwasanaethau'n gyflymach, yn haws ac yn fwy cyfleus i lawer o bobl. Fodd bynnag, rydyn n'n cydnabod nad yw pawb yn gallu, neu'n dymuno, defnyddio gwasanaethau ar-lein, ac mae'n bwysig bod modd i bobl barhau i gael mynediad at wasanaethau yn y ffyrdd sy'n gweithio orau iddyn nhw. Dyw'r strategaeth yma ddim yn ymwneud â gwneud gwasanaethau yn rhai ar-lein yn unig. Bydd eich adborth yn ein helpu i ddeall beth sydd bwysicaf.