Dan-Y-Mynydd

Cafodd y cynllun tai gofal ychwanegol yma ei gwblhau yn haf 2026. Mae'r cynllun wedi darparu 60 o welyau gofal ychwanegol ar safle hen Gartref Gofal Preswyl Dan y Mynydd mewn partneriaeth â Grŵp Codi, yn ogystal â chyfleusterau modern eraill gan gynnwys darpariaeth canolfan oriau dydd.

Mae'r adeilad pedwar llawr newydd wedi cael ei adeiladu oddi ar Goedlan Bronwydd, a bydd y datblygiad ehangach yn cynnwys ystafell fwyta, salon trin gwallt, ystafell weithgareddau a swyddfeydd, yn ogystal â gardd y mae modd i breswylwyr ei mwynhau a maes parcio allanol ar gyfer ymwelwyr.

Y llety yma yn ardal Porth yw'r pedwerydd cynllun tai gofal ychwanegol yn Rhondda Cynon Taf (yn dilyn Tŷ Heulog yn Nhonysguboriau, Maes-y-ffynnon yn Aberaman a Chwrt yr Orsaf ym Mhontypridd).

Bydd preswylwyr yn byw yn eu fflatiau eu hunain a bydd modd iddyn nhw fynd a dod fel y mynnan nhw, bydd staff yn bresennol i ddarparu gofal wedi'i drefnu, a helpu mewn unrhyw sefyllfaoedd brys.

Mae'r gwaith adeiladu a'r broses drosglwyddo mewn perthynas â safle gofal ychwanegol Porth bellach wedi'i gwblhau (Gorffennaf 2026)

Cyflawnodd Intelle Construction y prif gam adeiladu ar ran y Cyngor a Grŵp Codi (Linc Cymru gynt). Mae cwmni Radis Community Care yn darparu'r holl ofal a chymorth ar y safle.

Cafodd adeiladau'r hen gartref gofal ar y safle eu dymchwel a rhoddwyd caniatâd cynllunio ar gyfer y datblygiad gofal ychwanegol yn 2021.